Thursday, January 26, 2006

بحبك.. يا صاحبي!



25/01/2006
بحبك.. يا صاحبي!
البراء أشرف - القاهرة
سؤال : من الشخص الجالس في الصورة بأعلى؟جواب : .........لن تعرف بالتأكيد، ولا أنا نفسي عرفت للمرة الأولى حين سألني صاحب الصور!مصعب، صديقي الذي أعرفه منذ سنوات، الأسبوع الماضي كانت المرة الأولى التي أرى فيها صوره صغيرا، وكان هو المرة الأولى أيضا، الذي أنتبه فيها لأشياء كثيرة جميلة فيه أكثر من عيونه الملونة وابتسامته الفظيعة!
ظروف غامضة
"لقد عرفت بطرس في ظروف غامضة، كلها فشل ورسوب وتخلف"الجملة الماضية على لسان عفت (أحمد رزق) في فيلم ثقافي متحدثا عن صديقه، وهي التي أكررها دائما حين أتحدث عن مصعب.كنت على أعتاب الثانوية العامة مخلفا ورائي نجاحا ساحقا في الإعدادية، ومتجها ناحية فشل ذريع في الثانوية، وكان هو قادما من باكستان حيث قضى طفولته هناك وعاد أخيرا بعد أن انتهت مدة عمل والده هناك ولكي يتمكن مصعب من دراسة الثانوي في مصر.ولأن أبيه وأبي أصدقاء منذ الجامعة، فقد شاء القدر أن نصبح أنا ومصعب كذلك..!كانت مهمتي الأولى في حياة مصعب هي أن أعرفه على مصر من جديد، فهو لا يعرف عن البلد شيئا، وانتهزنا أجازة الصيف لفعل ذلك، والعجيب أني أنا الآخر بدأت أكتشف القاهرة في الوقت ذاته، ومع مصعب أيضا.وهو يذكر لي الآن الأماكن التي كنت سببا في معرفته بها، ومازال لم يسامحني عن زيارته لها أبدا، ببساطة كنت السبب في أن يعرف مصعب أقذر واسوا وأحقر الأماكن، وحجتي الوحيدة هي أني كنت أعرفه على القاهرة الكبرى..وضواحيها!أولى ثانوي، فشل وبدايات انحراف، ثانوية عامة، حبس في البيت وإدعاء المذاكرة وبنت الجيران وزميلة المدرسة.. وأخيرا مكتب التنسيق.. هو للهندسة.. لأنه كان علمي وبيذاكر، وأنا للآداب.. لإني كنت أدبي وكنت أحضر حصص التاريخ نائما في المكتبة.تذكر بلكونة بيتي ليالينا التي قضيناها هناك في التخطيط للمستقبل، ويذكر الماسينجر الكريم خناقتنا وإفيهاتنا البايخة التي لا نمل منها أبدا.. ويذكر باب شقتهم دموعنا سويا ليلة وفاة والده.ويذكر موبايلي أيضا ميسداته المتكررة، واتصالاتي الطويلة له، والسبب الوحيد أني حولت لنظام الساحر في حين ظل هو حبيسا لنظام مكالمات قليلة.
مصعب..مصاعيبو..أبو الأصعاب!
مصعب، هو أحد الأشياء (وربما يكون الشيء الوحيد) الذي لن ولا أستطيع التخلي عنه بسهولة ولا بصعوبة، يملك في ذاكرتي أكثر ما أملك أنا نفسي، ويحتل ذكرياتي في كل أماكني الحبيبة والكريهة.كل الأماكن التي أحببتها كان معي فيها، وكل الأماكن التي كرهتها كان أيضا معي، الفارق الوحيد أن الأماكن الأولى أحببتها لأنها جميلة ولأنه كان معي فيها، والأماكن الثانية كرهتها لكن ما هون علي وقتها أنه أيضا كان معي.الآن، وفي عشرينات الذي يجمعنا هو كمبرمج للموقع وأنا كمحرر، تتلاصق مكاتبنا ونأتي سويا وننصرف كذلك، ونقضي رحلة الذهاب والإياب في التفكير لمشروعاتنا الصغيرة، التي ربما لا تتجاوز شراء لاب توب جديد أو تحميل نغمة جديدة للموبايل.في رحلة العودة لمنازلنا نصل للطوابق بشارع فيصل حيث أسكن، يوصلني إلى بيتي ويعود للمحطة ذاتها بشارع الهرم حيث يسكن هو، وفي الصباح نلتقي في منطقة محايدة بيني وبينه لنأتي سويا للعمل، هذا إن نجح كل منا في ايقاظ الآخر من نومه.يظل مصعب في حياتي بنقائه وطيبة قلبه نقيضا لي بتهريجي المستمر وتريقتي على كل الناس.. حتى هو، لكن لا أنا سئمت منه ولا هو كذلك، فكل منا يملك للآخر الجزء الذي يفتقده، لذا يظل وجوده ضروري لي، ويحمل وجودي له الضرورة ذاتها.تبقى تفاصيل صغيرة بيني وبينه، لكنها مهمة لتكمل لك الصورة، مكالمتنا منتصف الليل ليخبر أحدنا الآخر عن فيلم رائع على mbc2 أو مسرحية قديمة على روتانا زمان.اتصالات أمي تشتكيني له فيها، وتطلب منه أن يعقلني ويجعلني أسمع كلامه.. وسفرنا سويا إلى قنا انا لأمتحن وهو ليرافقني (ونس يعني)!
أماكننا المميزة، سينما جلاكسي وقهوة المهدي و"جنة فواكه" لورد، كايرو مول وشارع الشواربي.. مركز شباب الصفا، جمعية الكشافة البحرية بالجيزة، كلها أماكن تذكر لنا مواقف ربما نسيناها نحن أنفسنا.. وكلها تأبي إلا أن تترك داخلنا علامات ترفض أن تمحى.. حتى لو نستها الذاكرة.لماذا أكتب عن مصعب الآن؟!حجتي الوحيدة هي أنني أرغب في أن أقول له أني أحبه، كنت أفكر أن توقيت نشر الموضوع الملائم هو مارس في عيد ميلاده، لكنه يتوقع مني وقتها أن أعبر له عن مقدار ما أكنه له في قلبي من حب، أما الآن.. فالكتابة عن مصعب هي المناسبة، فقط لأنه لا توجد مناسبة لذلك.لأنه لا يحتاج إلى مناسبة لأخبره فيها بذلك، لهذا أكتب عنه لكم .. مصعب.. أحبك!* اكتبوا لنا عن أصدقائكم وأفكاركم الخاصة، عن أولئك الذين نحبهم ويسكنون قلوبنا دون أن نصرح لهم بذلك لإنه "مش ضروري"، عن حكاياتكم، أصحابكم، أهلكم وكل ما يستحق أن يحكى عنه .. في عشرينات
حلوه بجد اقروها على عشرينات

يامنه



اوعى تعيش يوم واحد بعد عيالك
اوعى يا عبد الرحمن
فى الدنيا وجع و هموم اشكال و الوان
الناس ما بعرفهاش
اوعرهم لو حتعيش
بعد عيالك ما تموت
ساعتها بس
حاتعرف ايه هو الموت
اول ما يجيلك.. نط
لسه بتحكى لهم تجرى حكايه
فاطنه و حراجى القط
آ..باى ما كنت شقى و عفريت
من دول كل الولدات
كنت مخالف
برَاوى
و كنت مخبى فى عنيك السحراوى
تمللًى حاجات
زى الحدايه
تخوى ع الحاجه و تطير
من صغرك بضوافر واعر..و مناقير
بس ما كنتش كداب
و ادينى استنيت فى الدنيا
لما شعرك شاب

قدم البيت
اتهدت قبله بيوت و بيوت
و اصيل هو
مستنينى لما اموت!
حاتيجى العيد الجاى!
و حتشرب مع يامنه الشاى!
و اذا جيت
حاتيجى لجاى!
و حاتشرب مع" يامنه " الشاى!
حاجى يا عمه و جيت
لا لقيت "يامنه" و لا البيت!
الابنودى

Saturday, January 21, 2006




انتى بلولو
شكرا على المساعده
و الكلام الرقيق اللى على البلوج

tarmm lalamlam lam">












Photobucket - Video and Image Hosting




و الله المباراه حلوه اوى
و بركات و بركااااااااات
...
فيه واحده بتضحك كمان بس مش فاكره
المهم
الدنيا اصفرت ف عنيا
ايه كم الكروت الصفرا بتاعه امبارح دى
بجد نكته
خصوصا الحكم بيضحك و هو بيديها
و اللعيبه بيضحكوا
المهم
نرجع من الاول
فعلا مسخره
اتشليت انا كمان
و انا شايفه العرض اللى فكرنى بتمارين
الجيش و اللا تسخين الامن المركزى
تفتكروا استخدموهم ف العرض؟
و كلو كوم و اللبس و الحاجات الهبله
ام شكل وحش اوى كوم
و المذيعين اللى بيجعروا
بشكل مسرحى كوم تانى
هى ده مصر
و هى ده حضاره افريفيا
و ازيائهم و اغانيهم
!!
معجبنيش
غير وشوش الناس و فرحتهم و هشام بيغنى ف الاول
بجد مفيش حاجه تانيه افتكرها

ده لا يمنع ان فى حاجه
مفيش حاجه بتجمعنا و تلمنا قد الكوره
العالم كله بيتكلم بحاجات لغه واحده
مش محتاجه شرح..
كوره فن رياضه موسيقى كتابه شعر
هو ده اللى بيعلم ف الناس و يفضل
ف قلوبهم.

Friday, January 20, 2006

اللسته




1. كناسه الدكان "يحيى حقى"


2. أشجان غصن منتسب "يحيى حقى"

3. الكوميديا البشريه "بلزاك"

4. قصتى مع الشعر "نزار قبانى "

5. قصه حياه جون ناتش "سيلفيا نصَار" " Beautiful Mind Story"

6. الآم فرتر "جوته"

7. معك " سوزان طه حسين"

8. غاندى القديس الثائر "لويس فيشر"

9. كلهن عيوشه "صوفى عبد الله"

10. عماره يعقوبيان "علاء الاسوانى"

11. موسم الهجره الى الشمال " الطيب صالح"

12. فساد الأمكنه " صبرى موسى" مش عارفاه!!

13. اللا مذكرات " اندريه مارلو"

14. سنين الحب و السجن " عبد الله الطوخى"

15. أولاد حارتنا "محفوظ"

16. السمان و الخريف "محفوظ"

17. الطريق " امينه السعيد"

18. اطفال بلا دموع "منير فكار"

19. جمهوريه القاع "أحمد فؤاد نجم"

20. الصديق الجميل "جى دى موبسان"

21. الموت شابا " مارتى ليمباخ"

22. من الاعماق "أوسكار وايلد"

23. صوره دوريان جراى "أوسكار وايلد"

24. كتب و شخصيات " سيد قطب" " و كتاب تانى مش فاكراه!

25. كافكا "كامل زهيرى"

26. الأيدى القذره "سارتر"

27. الخيمائى "باولو كويهلو"

28. أصل العائله "عن الشيوعيه باين" وجع دماغ!

29. علمتنى الحياه "أحمد أمين"

30. شخصيه مصر "حمدان " "عارفه انه حلو بافشل اقراه مجرد كلام منه"!

31. عيناك قدرى "غاده السمان"

32. فوق أعلى ذروه الفشل " وفاء المصرى"

33. نساء من نوع خاص "أركسين كالدويل" !؟؟

34. الخادون مائه أعظمهم محمد "ص"

35. العالم من ثقب الأبره "الزهيرى"

36. الأرض " عبد الرحمن الشرقاوى"

37. عباقره و مجانين "رجاء النقاش " " و كام كتاب كمان ليه"

بس!!
غالبا عندى احساس انى كالعاده
حشترى حاجات تانيه!
المهم زى ما انتو شايفيين الموضوع كبير قد ايه
و زى ما انتو عارفين
اخر الشهر بالنسبه لاى موظفه محترمه زى حالاتى يعنى ايه
تبرعوا يا جماعه عشان الثقافه و المثقفين!( ".)

Tuesday, January 17, 2006



كريمه هى جدتى
و انا بنت تيتى
لطالما ظل الحال على هذا المنوال
تحنو علىً أقيم لديها
أمضى معظم وقتى عندها
تهتم بكل تفاصيل حياتى
و عندما يأتى الليل
أتكور بجانبها
مستمده الدفء و الطمأنينه
من وجودها الى جوارى
و أتاكد من تنفسها
من حين لاخر ليزداد اطمئنانى

...................................

هل هذه الدنيا كما يقولون؟!
دواره دواره

كريمه هى أبنتى
و انا أم تيتى
هذا ما أصبح عليه الحال
احنو عليها و أقيم لديها
امضى معظم وقتى فى الاهتمام بتفاصيل حياتها

تقليب ف أوراق ..حاجه كده بقالها كتير




أنت حائر دائما..
هل تقترب من الآخرين أم تبتعد عنهم؟!
هل تثق بهم أم تصدق ظنونك فيهم؟!
هل تبوح لهم بأسرارك أم تكتمها عنهم..
هل تعيش فى قلب الدائره معهم
أم تنعزل على حافتها كما يعيش الغجر
فى أطراف المدن و القرى..
منعزلين عنها و منفردين بأنفسهم

"مطاوع"



شويه تخاطيف..

حين يختل التوازن و يتحطم،
و حين يستشرى صانع الدمار،
يوقظ فينا الحركه، و يبعث فى الانتفاضه التاريخيه
النضاره و الخصب

"فدوى طوقان"
" السنا جميعا مبتورين بعضا منا فى الجسم وآخرين ف الروح؟!"

"دالتون تريفيمان-سوناتا الى ضوء القمر"

السنا جميعا نبت الأرض؟و بدونها لا نكون؟
لا شىء يساوى انك ابن الارض..
و الأرض هى الخلود لأن الله أودعها سره


أرسل ليها من بلده الصحراوى بطاقه بريديه
كتب فيها بيتا جميلا لشاعر قديم من أجدادنا يقول فيه

إذا طلعت الشمس فإنها
أماره تسليمى عليك،فسلمى

و أضاف قائلا فى بطاقته

أريت رقه هولاء القوم الذين يصفهم بعضهم بالجلافه؟
فإذا ابصرت بشعاع ينفذ من ضباب باريس
فإنه أماره تسليمى عليك ، فسلمى
"غاده السمان- رسائل الحنين الى الياسمين"

ايه رايكم؟؟
حلوه أوى بجد
ابقوا سلما بقى متنسوش

Thursday, January 12, 2006

التاروت اللى بيقولوا عليه!!










أنا و كوكو"قصدى كريمه الحاجه اللى هىً ستى و مامتى و كل حاجه"(">)

Tuesday, January 10, 2006


دى مش مصر!!
ايوه
دى مش مصر
مش مصر اللى بتنهش ولادها و تعذبهم و ترهبهم
مش مصر اللى متلاقيش فيها حد ماددلك ايديه
و انت واقع محتاج مساعده
مش مصر اللى تعامل اى غريب قريب بالشكل البشع ده
ضرب و قتل و طرد
قسوه و عنف و دم
و بشعار "ما أخُذ بالقوه لا يرد الا باقوه"
اللى مش ف محله خالص هنا
ذنبهم وحاله بلدهم صعبه؟
و أطفالهم يصعبوا على اى انسان؟؟
عواجيزهم مرسوم على وشوشهم الألم و العجز
و هم بيتطردوا بالقوه؟؟
حنقول ايه للى جايين بعدينا
اللى بيكبروا ع القسوه والعنف؟!..
معنديش غير انى باقول لنفسى
ده مش احنا
و ناس قالت لا بصوت عالى.


ده كان احساسى اول ما شوفت الاخبار و الصور ع النت
و فيديو صوت و صوره
ناس كثير بقول ان هم اللى ابتدوا و و
حاليا مش عارفه بس ده مش معناه انهم مش عليهم مسئوليه
كلنا عارفين امننا المركزى بيتعامل ازاى!!



"من ذا يشفى نفسى حين تختلط الرؤى
او يحتوينى ذلك الحزن الصديق فلا اطيق؟
صالحتنى على نفسى حتى صرت اقرب ما كون اليه فينا
صالحتنى على ناسى وكنت اشك فى بله الجماعه يخُدعون لغير ما هم
صالحتنى على حريتى فجَزعت اكثر ان اضيع بظل غيرى
صالحتنى على ايامنا المره مهما كان منها
علمتنى بانا خلقنا للحلاوه و المراره
نحمل الوعى الثقيل
نكونه كدحا اليه
"
"يحيى الرخاوى""تقريبا"


"إن حياتنا تتوقف على ما نختاره طوعا و نقُبل عليه حبا،لا ما يفُرض علينا فنحاول إقناع أنفسنا بحبه أو طلبه!"
"زهر اللمون""علاء الديب"

"بعد الطوفان الجو شبوره
ننده لبعض بهمسه مذعوره
يشويش نمد الايدين
ياللى انت جنبى...إنت فين؟؟"
الرائع"صلاح جاهين"
كانوا ضمن أوراق قديمه
عجبونى اوى


ساعات اقوم الصبح قلبى حزين
يدوبنى الحنين
اللى اشتريته انباع
واللى لقيته ضاع
راح اللى راح
معدش فاضل كتيير

ايه العمل دلوقتى يا صديق
غير اننا عند انتهاء الطريق
نبص قدامنا حنلاقى احلامنا

وارجع واقول ارجع واقول
لسه الطيور بتطير
والنحليات بتطن
و الطفل ضحكه يرن
مع ان
مش كل البشر
فرحااانيين
"جاهين ف عوده الابن الضال و صوت ماجده"


مش عارفه دى حاله
عامه ولا خاصه
بس كل ما بابص الصبح
ف وشوش الناس
باحس ان الكل
قايم حزين تعبان مطحون
تحت وطأه قهر و جوع
و ديون وأحمال
مع مزيج غريب من
الغضب و الحيره
بقينا قنابل قابله
للانفجار ف اى لحظه!!



(تانى تقليب ف أوراق قديمه (3
لسه موجود بالروح!!

"لقد فقدت مقعدى قبل ان يرتفع الستار
و انكسرت فى داخلى الرغبه فى استرداده
الرغبه فى الشجار
فى كل شىء يرتخى
فى لحظه التاهب المرتقبه "

"أمل دنقل"
على موبايلى فى اوراقى وتفكيرى
كل اما باحس بالانهزام جوايا
افتكرها ابصلها اقراها
ليه مش عارفه
بحس ان امل كان صادق اوى فيها
زى التايه العطشان فى الصحرا
اللى بعد ما وصل لطوق النجاه
و الميه على بعد امتار
وفع مهزوم تعبااان
مش قادر حاسس
كانه بقى من عالم تانى..
عالم الاموات
.



(تقليب ف أوراق قديمه (2

فى احدى المشاويير المعتاده
لاصلاح الكمبيوتر
اللى بيبوظ كل شويه كالعاده
و متجهيين من المنيل للعباسيه
قرر السواق قبل 30 متر من العباسيه
اختصار الطريق لتفادى الزحمه
فى ملف ميدان العباسيه
و اتجه لشوارع غريبه
انتهت بينا بالمرور على المقابر!!
لنصل فى اكتر من ربع ساعه
للعباسيه!!!
كنت بامارس هوايتى المفضله
ف ركوب اى مواصله
اتفرج و اسرح و افكر
و الغرييب او
اللى حسيت بمدى غرابته ساعتها
ان مصر مقابرها ممتده بطولها
و ف كل مكان بنعدى عليها
و جزء من حياتنا و يومياتنا
الحياه و الموت
متجاوريين
و الموت جزء من يومياتنا
و مع ذلك...
بننسى
و بنتناسى وجوده
طول عمره ضيف تقيل علينا
و مبنعتبرش من وجوده
و رجعت بعيونى للمقابر
ناس قاعده
اطفال بتلعب
ستات بتبيع ورد
كله موجود جوه المقابر
ام ماسكه بنتها
و بيدوروا و يلفوا
فى الهوا
الحياه بترقص
فى بيت السكون
كانها
بتطلعله لسانها
انا مستمره
انا لسه موجوده
سبحان الله


(تقليب ف اوراق قديمه(1

bluelue عندك حق يا
انا كمان مبحبش الشتا و لا البرد
مبحبش اصحى الصبح الاقى الدنيا عتمه
اتحايل على نفسى اقوم من تحت الدفا و البطانيه
قبل ما يفوتنى اتوبيس الشغل اللى مبيستناش حد ("،)
ملحقش اشرب مجى السخن
انزل الاقى الدنيا مغيمه مفيهاش شمس
و الجو كئيب
ارتعش م البرد
و ف الشغل اتنفض
و نفسى اقولهم زى العيال
انا عايزه اروح بيتنا
و اقوم ادفى ايديا
!يمكنdryer تحت ال
غريبه اوى ان فيه ناس بتموت ف جو الشتا
و بتنتعش ف الشتا
بس برضه عشان مظلموش
انا باعشق امشى ف المطر
و استقبله ف ايدايا
و ادعى تحت المطر
و اتفرج على النيل و الشوارع و الشجر
بعد ما بيغسلهم المطر
شوارع فاااضيه
و شجر خضاره حلو
و نيل هادى و حزين
و باعشق حمص الشام
و الكاكاو السخن ف الشتا
و البطاطا المشويه
و لمه العيله عند تيتى اوقات
ياكلوا ابو فروه اللى مش بحبه
و رجوع الواحد بيت تيتى يلاقى
طبق شوربه عدس اللى باموت فيها
و دفا
و شويه شمس ف البلكونه
اطير م الفرحه
اما اتدفى فيهم
و اطلع لسانى للبرد
و حضن كوكو
لما اجرى على سريرها
و ادخل تحت بطانيتها
تدفينى ف حضنها
كمان مش حانسى انى
طلعت احلى رحلات ف عز الشتا
الاقصر و اسوان
و السخنه والغردقه


حد يقولى راح فين العيد؟؟؟

الله اكبر
الله اكبر
الله اكبر
الله اكبر ولله الحمد
الله اكبر كبيرا
و الحمد لله كثيرا
و سبحان الله بكره و اصيلا
صدق وعده ونصر عبده
و اعز جنده و اذل الاحزاب وحده
اللهم صل على سيدنا محمد
و على اصحاب سيدنا محمد
و على ال سيدنا محمد
و سلم تسليما كثيرا

يااه
مقدرش اقول قد ايه
باحب اسمع الصوت ده
من بلكونه تيتى و الشمس لسه بتتطلع
و ريحه عيش الفرن البلدى القريب
معبقه الجو
و الناس كلها بتستعد للصلاه ف الجامع
نازليين من بيوتهم كبار و صغيريين
و انا و قرايبى بنعد العده
و ننزل نمشى فى الشوارع
رايحيين صلاح الدين
شايليين مصلياتنا
و فرحه جوانا


وحشنى الاحساس ده والايام دى
احنا كبرنا و الا ايه
فيين فرحه زماان بالعيد و وقفته؟؟

زى دلوقتى و من كام سنه
كل عيد اضحى كنت بابقى فى السخنه
مع كل العيال قرايبى
هناك الوقفه و العيد كان ليهم طعم مختلف..
نصحى الصبح على عمرو خالد
تلاقى البطاريه اتملت
نصلى الضهر جماعه
و بعديين كل واحد ياخد مصحفه
و يقعد فى حته
تلاقى نفسك
قرب المغربيه
قاعد شايف البحر
و الشمس و السما
فى جنينه الشاليه
و حاسس بهدوء و سكينه غير عاديه
لحد ما تسمع صوت الادان
تانى يوم بيهلوا الناس
و بتمثل القريه العيد
و يتحول الهدوء لزحمه
حتى السوبر ماركت اللى
كنت بتتفسح فيه لوحدك (".)
مليياان و طوابيير وحركات
ننتشر ع البحر
ممكن نتجنن و ناخد السنانيير
و مفيش مانع اسرح و اصطاد نفسى
نشوى اللحمه ع العصريه"مش انا"
مش باكل لحمه تقريبا
بس بيبقى يوم حلو
وحشنى طول الوقت النهارده

كمان ايام مصطفى محمود
مع انتيمه الكليه هوزا
اروحلها
تالاقى افواج الناس رايحه
ننزل من عندها بنجرى فى الشارع
الناس كلها بتجرى
بتجرى بجد
متقوليش بتجرى ازاى
هو فيه جرى بجد و جرى بتهريج؟؟
لا فيه جرى بجد بضحك
بنكون مبسوطين
و بنحاول نلحق مكان
قريب من الجامع
و كالعاده منلحش
بس كفايه انك حواليك كل الناس دول
و الكل بيكبر
بتصلى مع انسان قريب اوى لقلبك
احساس حلو اوى
و البلالين فى كل حته
واطفال و ابهات و امهات
زحمه الاف من الناس
بجد و حشيتنى الايام ديه
و بجد وحشتنى اوى اوى هوزا

Tuesday, January 03, 2006


يا حبيبى
انا عصفوره فى الساحه
اهلى نطرونى للشمس
و لطرقات
لسفر الطرقات
لصوتك يندهلى مع المسافات
و يضل يحاكينى
ليالى الشمال الحزينه...

كان نفسى اوى اكون
عصفوره
بتطيير فى كل مكان
و تشوف
مفيش حاجه شاغله بالها
غير قوت يومها
و شويه قش
لحد ما مره قالى...
تعالى احكيلك حدوته
الراجل اللى اتمنى يكون عصفور
و لما اتحققت امنيته
لقى اول حاجه راحت منه
نظره
مبقاش زى الاول
لقى نفسه كمان بردان عاجز
مكتوب عليه الخوف
و انه يكون دايما
مستعد يطيير و يهرب
مكتوب عليه كمان لازم
يجييب قوت يومه
والا يموت
و لازم يدور على عشه
و الا يموت م البرد
ولازم يحارب علشان العش ده
و الا يعييش مهزوم
من غير بيت
ندم الراجل على حاله
و قال يا ريتنى رضيت
يا ريتنى رضيت بقسمتى...

بطلت احلم انى
اكون عصفوره بجد
بس فى خيالى..
انا عصفوره فى الساحه
و دى عشتى!!