يا حبيبىاهلى نطرونى للشمس
و لطرقات
لسفر الطرقات
لصوتك يندهلى مع المسافات
و يضل يحاكينى
ليالى الشمال الحزينه...
كان نفسى اوى اكون
عصفوره
بتطيير فى كل مكان
و تشوف
مفيش حاجه شاغله بالها
غير قوت يومها
و شويه قش
لحد ما مره قالى...
تعالى احكيلك حدوته
الراجل اللى اتمنى يكون عصفور
و لما اتحققت امنيته
لقى اول حاجه راحت منه
نظره
مبقاش زى الاول
لقى نفسه كمان بردان عاجز
مكتوب عليه الخوف
و انه يكون دايما
مستعد يطيير و يهرب
مكتوب عليه كمان لازم
يجييب قوت يومه
والا يموت
و لازم يدور على عشه
و الا يموت م البرد
ولازم يحارب علشان العش ده
و الا يعييش مهزوم
من غير بيت
ندم الراجل على حاله
و قال يا ريتنى رضيت
يا ريتنى رضيت بقسمتى...
بطلت احلم انى
اكون عصفوره بجد
بس فى خيالى..
انا عصفوره فى الساحه
و دى عشتى!!
posted by Dananeer @ 6:28 PM
6 comments
6 Comments:
السلام عليكم
جميلة جداً القصة
و الأحسن إنك قولتى
بطلت احلم انى
اكون عصفوره بجد
حتى لا تستيقظى و أنتى فى سماء الأحلام الجميلة لتجدى نفسك تسقطيـــــــــــن و تصتدمى بأرض الواقع
و عليكم السلام يا مجهول
ايه اللى وصلك هنا
:)
حلم انك تطير ده حلم الطفوله
و يمكن رغبه فى الحريه
و بعدين احنا بتوع سوبرمان
و الجده اللى بتطير و معرفش مين
:)
س : إيه إللى وصلك هنا ؟
جـ: صدفة ـ
حلم إنى أطير فعلاً ده حلم الطفولة
و مازال حلمى حتى الأن
بس أرض الواقع الصلبة إحنا اللى صنعناها بعدم تحقيق أحلامنا
http://www.youtube.com/watch?v=kM0K4vmMhAg&NR
فقط شاهد هذا الفيديو
مفيش فيدة
المتشائم مش المجهول
يا متشائم
انا نفسى اطير بس مش زى الفيديو
زى العصفوره تمام
:)
مفيش فايده؟؟
يا سيدى متدقش
ملفين فيديو للطيران تقريباً مثل الخفاش
لكن الكيران بالأجنحة مستحيل نظراً لضعف عضلات الإنسان بالنسبة إلى وزنه الثقيل إلا إذا إستخدم بالون أو بدلة ذات مواصفات خاصة تمتليئ بغاز الهيدروجين لتحرريه من الجاذبية و ترفعه إلى أعلى و لكن يجب أن يكون له وزن حتى يستطيع الهبوط
كل هذا مجرد أحلام
http://www.youtube.com/watch?v=eecKeIw9zVs&mode=related&search=
http://www.youtube.com/watch?v=a7Niv915k5Y
أعتزر على تطفلى و هذة أخر رسالة لى
.......
!!!
Post a Comment
<< Home