Wednesday, February 15, 2006

بركه دعاهم



يااه خلاص بسرعه كده
مش حيبقى فيه ماتشات تانى
ولا تشجيع ولا لمه
و لا اعلام و وشوش فرحانه
و ناس كتيره رايحه الاستاد
يااه
اول بطوله بجد افتقدها
و اهتم بيها كده
يااه خلاص
البطاريه اللى شحناها
وطنيه و امل و حماس
انتهت صلاحيتها
لعدم صلالحيتها للاستخدام ف موضع اخر
بس بجد
اتبسطت زى كتيير غيرى
و كان لازم اسال نفسى ليه؟
و عجبنى ردين
"الجماهير قررت انها حتفوز"
و " الناس بتدور على واقع
عايزه حقيقه شايفاها قدامها
ف حدود الملعب
و احتمالات واضحه
و قواعد محكومه و عادله"
"الناس بتدور على نصر تحسه و تشوفه و تفرح بيه
لا كدب و لال كلام جرايد"

رغم كل شىء
شكرا لمنتخبنا
على الهديه دى
و شكرا للمتطوعيين المجهوليين ف البطوله
و لناس حست باهميه كلمه وطنيه و تشجيع
حتى و لو ف لعبه اسمها كوره

علم مصر كان برفرف ف كل شبر فيكى يا مصر
حتى اللى ساكنين ف مقابرك رفعوه

محدش شاف فرحتك يا حضرى و انت بترقص فوق الجون
و حوالين الاستاد الا و حس بفرحه
( ",)

0 Comments:

Post a Comment

<< Home