Thursday, August 24, 2006

اريد حلا!!


Photobucket - Video and Image Hosting



بجد حرام اللى بيحصل ده ياربى


انا خلاص تعبت


مين اللى قال ان كل البنات بتحب اللف و شراء الحاجات


بقالى اسبوع بالف لحد ما اتهديت


و مبقاش فيا قطعه سليمه


و ياريتنى رجعت باى حاجه


ياربى اى قطعه حتى


شطنه طيب


اى حاجه


و المهم ترجع البيت خالى الوفاض وخالى من الفلوس


متسالونيش ازاى


نحكى من الاول


اولا ممكن حد يقولى ليه الناس كلها بتتجوز فى الصيف؟؟


واشمعنى سبعه و تمانيه و تسعه!!!


اول مره الاقى كم الخطوبات و الجوازات ده السنه دى


ربنا يكرمهم جميعا


بس لقيتنى باشد فى شعرى


يعنى انا عارفه اشترى هدوم عاديه عشان اشترى سواريه


ياربى القيها منين ولا منين

بقيت شبه سواق التاكسى

بهدومى اللى زهقت منى


السنه دى

و لا عارفه اجيب اى حاجه

منحوس منحوس يا ولدى



طب بلاها عاديه


خش على السواريه


نفسى اعرف مين اللى اخترع موضوع السواريه


و الانتكه ده


مين اللى بيعمل الحاجات الغريبه الى فى المحلات


اللى المفروض يحطوها تحت يافطه


"ما قل و دل"


مش اى حاجه تانيه


و بعدين انا بكره الانتكه


الله يمسيكى بالخير يا بلو


افتكرتك و انا عامله زيك فى بلوج ما


و عماله ابص على ابو ترتر و ام خرز!!


والاسعار اللى كلها تلات اصفار


و يمر الوقت و تقرب المناسبات


و يزيد اللف على اتيلهات و مولات البلد


فى الحر ده


و ارجع خاليه الوفاض تقريبا


و افكر مع نفسى


طب المدعويين عاملين كده


اصحاب الفرح اكيد مساكين


خطوبه و كتب كتاب و فرح


و كل حاجه ليها لبسها


و لف و دور بقى انت و شطارتك


فيك نفس و لال زى حالاتى


و اقول لنفسى اكيد مش حاعمل فى نفسى كده فى يوم م الايام


ياربى يعنى انا مككن فى يوم


الف و الف و الف


و بعدين البس حاجات مش عارفه عامله ايه


و الناس تتفرج عليا


و مين يقول ده عامل ازاى


و دى عامله ايه


قلبى


صبرنى ساعتها يارب


عارفه انى مجنونه وو حتهاجم


بس انا باتكلم على نفسى


و كل اللى عايزه اقوله


لو بصيت على اى حاجه


حتلاقينا بنملاها بكم تعقيدات و تفاصيل مش طبيعى


من اول الكوشه اللى شكلها عامل ازاى


و البوفيه اللى المفروض يكون فيه ايه


و شكل الكراسى و الفيونكات


لفساتين و ورد


و عربيه


و لو دخلت اكتر تلاقى العفش عامل ايه و الستاير على مين


و البقيه تأتى


و لسه السكه طويييله


و انت و نفسك بقى


عشان كده قلبى معاكم


يا كل داخلين القفص


و الاقيش عندك اى حاجه سواريه من غير ترتر و خرز؟!!



7 Comments:

At 12:52 PM, Blogger Lasto-adri *Blue* said...

لووووووووووووووووووول

كنت فى نفس الموقف فعلا يا عصفورتى

بس.. اقول لك على سر.. والله قلت عليا وعلى أعدائى وجبت جيبة بمبة جبردين وحتتة بلوزة يعنى بسيطة بغبااااااء فيها كام ترتراية عشان العين وقطعة قليلة مندسة من الدانتيل..
وبس


ورحت بيها فرحين.ز اهوه..
ومش ناوية اجيب سواريه فى حياتى.... ديه كلكعة على الفاضى وقنزحة ناس فاضية
مخهم مش لاقى حاجة يدور عليها فابيبص على المظاهر اللى قلتيها

فابصى.. لو فى علتك المواضيع ديه عادية.... فوكيك من السواريه والبسى اللى عاجبك... بكرة يطلع جيل يقلدنا فنكسب ثوابه

 
At 9:29 PM, Blogger Mohamed Mehrez said...

طيب إذا كنتي انتي بنت وكل اللي شايله همه انك تختاري ايه
امال احنا المتاعيس اللي المفروض بندفع الكلام ده نعمل ايه؟؟ نمشي نكلم نفسنا؟؟؟
يعني انا لما اجي اتجوز المفروض هشيل المصاريف دي كلها...بلاها جواز

على فكرة اللي بيعلموا التعقيدات دي كلها هم البنات :D

انا من رأيي تروحي الفرح عادي....مش لازم سواريه...نزلي انتي موضة جديدة وروحي عادي

عارفة...انا ساعات بقول ان احسن حاجة الأفراح اللي بتتعمل في الجامع...بتبقى كده افراح لذيذة ومش متكلفة ومفهاش وجع الدماغ ده..ههههه

 
At 12:10 AM, Blogger m_elsewedy said...

ما تروحيش الفرح
:D
أو عدى على أقرب مكوجى
:P

 
At 4:19 PM, Blogger محمد أبو زيد said...

هههههههههههه والله ضحكتيني
يعني بعد اسبوع لف برضه ما اشترتيش حاجة

عموما بالنسبة لموضوع الجواز انتي اتجوزي بس ومالكيش دعوة
واعزمينا بأه على الفرح

 
At 5:01 PM, Blogger sabrina said...

hi baby,
كل الدوخة دية و مفيش حاجة اشترتيها
جربي الوصفةدية
if it did not work you are a hopelesse case
أشتريjupe شيك
وعلية بلوزةسواريةولوملاقيتش
buy a body with shal

 
At 1:52 AM, Blogger LAMIA MAHMOUD said...

تصدقي اهم حاجة نظام ما قل ودل ده .. خنقني في فرحين اخويا واختي وطلعت من الحوار ده بفستانين ولا واحد فيهم عاجبني بس بيدلوا على ان الترزي كان حمار ولم يقلوا خالص الصراحة

 
At 11:58 AM, Blogger classical_feelings said...

very nice blog

3o2balk ya sty

 

Post a Comment

<< Home