هكذا بلدى..بدون تعليق

شايف ايه؟
شايف الكائن المهلهل قدامك ده؟..
بيفكرك بحاجه؟
بحالى و حالك و حال وطن
ولا خلاص بقيت زيهم
ميتيين و عمى و مخدرين عن فيلم الرعب الهزلى اللى بنعيشه
معنديش كتير اقوله
كفايه تبص حوليك
تفجيرات و لناس ملهاش اى ذنب
و بدون اى شعره احساس او انسانيه لارواح
بدو مهمشين محرومين من حقوقهم كمواطنين ف بلد منهوب قوتها اصلا
و مليانه شباب حاسس باليأس و الحقد و الغضب الاعمى
قضاه مكبلين مهانين عشان وقفوا وقفه شرف..
حتى العدل بياخد كرابيج و يتصلب فيكى يا بلد
شعب اختلطت عليه كل الاوراق عمال بينهش ف بعضه
تحت مسميات غريبه و فتنه وسايبين البلد
والعه بتتحرق و تتنهش
و سايبين عيالهم خايفين حيرانين
مستنيهم سواد
سيبنا حقوقنا و بعدنا عن ربنا و تعاليمه
و بقينا عجزه عراه مليانين جروح و رضوض و دم!
و على وشوشنا ابتسامه مستسلمه مستكينه.

الشهود

1

2

3

4

5

6

7

ولسه ياما فى