وحشنى المشى معاكى
قلتيلى اسمعى كده الاغنيه دى
بعد ما هلكنا نفسنا تمشيه
كان يوم حلو
من اول ساقيه الصاوى
و تناتيف اغانى اسكنديريلا
و هم بيعملوا بروفه
قعدنا نسمع مبسوطين
كانت حلوه اوى
للاسف منفعش نحضر
عشان طنط حتتضايق لو اتأخرنا
لحد ما طلعنا هايمين ف حوارى و شوارع الزمالك
واحنا مندمجيين ف الكلام
ازاى فجأه الناس كلها اتشغلت و بعدت
و ازاى مشكلتنا أننا ضيقنا دايره اصحابنا و معارفنا
و ازاى مفتقدين دلوقتى الصحبه الكبيره
اصحاب كتييييير
بقينا
عايزيين ناس
ناس جديده و ارارء تانيه
بعد ما سيطر الفراغ علينا
و ملتنا الكآبه
عايزيين نملا حياتنا
كل مدى بنحس اننا على حافه الجنون
بنشتغل بس
مش بنشتغل
بنعانى من قله الشغل
و لو كان حتى موجود و كتير ف وقت
فمن تخلف الحاجات اللى بنعملها
و عدم اقتناعنا بيها
كل ما نتكم مع الناس
تلاقى علامات دهشه و عدم فهم
او استكار
بقى بتشتغلوا ف شركات كبيره
و بمرتبات كويسه
و زعلانين
بقى زعلانين عشان مفيش شغل
بقى بتعملوا حاجات عبيطه
هاهاها
خلاص ودونى اعمل اللى بتعملوه و اقبض ف الاخر
حد يطول!!
سألتينى
ياترى احنا بنقى الشخص الغلط نحكيله؟؟
المفروض نسكت منتكلمش ولا نقول
طب وبعدين؟؟
و الحل
محتاجين نعمل حاجه
ونتكلم من جديد
ونلف تانى و تانى وتانى
ونطلع على الكورنيش
و نلجا لماك
نستريح
انا باقول كل ده ليه..
مش عارفه
بس وحشنى الكلام معاكى
و الخروج معاكى
و انك فاهمانى وانا فاهماكى
مش محتاجين لكلام
posted by Dananeer @ 12:35 AM
3 comments
3 Comments:
أولاً انا لازم أرفع القبعة وأنحني امام هذا الذوق الرائع في كل شئ في هذه المدونة بالأخص في أختيار أغاني الخلفية الموسيقية.
ثانياً أعتقد يا دنانيير أنك في مرحلة من أهم مراحل حياتك وهي آلي بيسموها أزمة وجودية ولكن طول منتي بدوري على حياتك فعلاً ثقي أن نهاية هذه الأزمة سوف تكون فرح لن يستطيع أحد أن ينزعه منك. الله يعيطيك الحياة آلي تتمنيها.
yeah, i 2nd eyewitness
u know,, after a tiring day of wandering around blogs.. i always find thid serenity while reading urs.. as if a different corner.. away from the usual 4 corners.. i'm sick of
keep it always being you.. :)
اخرسك الله عن قريب يا رب
Post a Comment
<< Home