Thursday, May 04, 2006

7elwa Ya Maha


ايه الي جري
ما انا كنت حلوة صغيرة

فجأةالقطر دار بيا
ورماني في المحطة الجاية

وايه ده كمان ؟
دي خصلة بيضة وسط خصلات متحنية

انا عجزت؟؟؟
ولا المراية بتضحك عليا

اه يارجلي مبقتيش قادرة تستحمليني
ولا انا تخنت وانتي مش قادرة تشيليني

لكن لما ببص في المراية
بلاقي التجاعيد وصلت لقافيا

لألأ انا مكبرتش
ولا انا كبرت بس بطنش

لكن مين العيال اللي في الأودة الجوانية
اه دول ولاد ابني عطية.....................

حتي دول نسيتيهم
ومبقتيش عارفة تفرقيهم

انا كبرت اوي كده
وبقيت عجوزة ومتبهدلة

الظاهر انا كنت بحلم بيا
بشبابي لما كنت اد هنية

ياهنية هاتي الدوا من النملية
ده كل سن وليه حكم يا عنيا

اقوا اقروا الفتحة عليا
لما اموت والدود ياكل فيا

ايه رأيكم ي القصيدة دي هيا
سلام بقي واستنوا القصيدة الجاية

5 Comments:

At 9:51 AM, Blogger kalam said...

هههههههه
عسل

 
At 12:00 PM, Blogger The Eyewitness said...

"انا عجزت؟؟؟
ولا المراية بتضحك عليا"
رائعة.

 
At 4:43 PM, Blogger Abdou Basha said...

جميلة القصيدة ومية مية

 
At 1:25 AM, Blogger مأمون المغازي said...

لا تعليق أكثر من أنها تحمل مليون وجه ووجه
تعبير صالح لكل مكان وزمان خصوصًا للمطحونين
تحياتي

 
At 5:27 AM, Anonymous Anonymous said...

ماضون ...كما مضوووووا

 

Post a Comment

<< Home