و ضربك المرض من تانى
و على صوت التكبير بادور على ابتسامه زمان لقيتنى مش قادره افرح
رغم انى كنت باحب اقوم على الصوت للشباك اسمع و اشوف الناس و الشوارع و اول شعاع شمس واحس الهوا الساقع اشم ريحه عيش الفرن
ساعتها بس كنت باحس بان العيد جه و ننزل للشوارع نصلى العيد
مقدرتش الاقى الابتسامه
و انا باشوفك و انتى بتنهارى و تطحنك السنين و المرض و العجز
و انا بافتح باب قوضتك و خايفه تروحى منى و تسبينى
و ملاقيش ايديكى تحضنى و الاقيكى فى غيبوبتك احاول اطمن
و امسك ايديك و اقولك اوعى تسبينى يا مامتى انا مليش فى الدنيا غيرك
و مليش حضن غير حضنك و لا بيت غير بيتك
انا من غيرك ولا حاجه و انتى كل حاجه
.....................................................
اخر اليوم لقيتها لما قلت لنفسى الحمدلله
حضرنا رمضان و العيد سوا السنه دى كمان
posted by Dananeer @ 12:47 AM
6 comments
6 Comments:
العيد كان طعمه وحش قوي السنخ ده
انا كمان كنت ببص لجدتي وبفكر في هل ترا السنه الجايه هتبقي معانا؟
ربنا يحفظهم و يرحمهم و يحميهم
كل سنه وانتي بخير واسال الله عز وجل ان تكوني ممن اعتقوا في رمضان
يارب تكوني قضيتي عيد كويس مع كل اللي بتحبيهم
وربنا يشفي كل مرضانا يارب
وانا بقرأ كلامك جسمي قشعر وتعبت بجد
شيء صعب جدا لما نشوف الموت قدامنا
بيقرب منا واحنا بنتفرج عليه
ربنا يسعد أيامك
تحياتي
صاحب الكومنت اللي فات
شكرا يا محمد على الدعوه يارب امين لينا كلنا
تامر الحمد لله جدتى اتحسنت عن الاول
و فعلا اوحش حاجه ناك تكون عاجز قدام مرض حد بتحبه و عزيز عليك و مش عارف تعمله حاجه و لا عارف حتعمل ايه من غيره
Post a Comment
<< Home