اعدام صدام حسين..عداله امريكا المزيفه
امبارح كان ميعاد الحكم على صدام حسين و اصدرت المحكمه حكمها بالاعدام وسط
هتافاته بعد سماع الحكم بمزيج من يسقط المستعمرين و يحيا شعب العراق و اهله
و الله اكبر!
المثير للسخريه ان صدام حسين راجل ميت اساسا
من لحظه القبض عليه المبتذله و لحد دلوقتى
و ممكن نقول انه ميت كانسان من لحظه مابقى طاغيه بيحكم العراق بالحديد و النار
و تقمص شخصيه الحاكم بأمر الله و الرئيس الحديدى
و بما انه ميت حى مكنش فيه مانع ابدا استخدامه كعروسه مريونيت
يفرح بيها بوش الجمهوريين و يطلع لسانه بيها لمزاعم الديموقراطيين الرافضين لفكره الحرب و يكسب نقط بتحقيق العداله اخيرا فى العراق على الرئيس الظاغيه
و رغم ان صدام حسين يستحق الحرق حيا او حتى الدبح فى ميدان عام لكم الجرائم الوحشيه
اللى قام بيها و لكونه اتسبب فى معاناه لازالت مستمره لشعب العراق
و مش بس كده بكونه ضحيه حصان طراوده الامريكى اللى نجح اخيرا فى اختراق
الشرق الاوسط و عن طريق بلد كبير و نفطى زى العراق
الا ان الغريب ان اللى تقوم بتنفيذ العداله ماما امريكا
اللى تعدت ارقام ضحاياها فى العراق تعداد ضحايا القنابل النوويه
بهيروشيما و ناجازاكى حسب كلام حمدى قنديل فى قلم رصاص و لسه العد مستمر!
و بما ان الدنيا مسرح كبير على رأى يوسف وهبى
و حاليا بقت مسرح العجايب و كل شىء هزلى فلسه ياما حنشوف
posted by Dananeer @ 6:17 AM
6 comments
6 Comments:
رغم أني كنت طول عمري ضد صدام حتى من قبل حرب الكويت، لكن أنا بردو ضد قرار أعدامه.
المجتمع ممكن يكون من حقه يعزل الأشخاص آلي بيسببوا ألم وجروح قد تصل إلى مزابح جماعية بس رحمة بالناس آلي عايشين في هذا المجتمع.
لكن المجتمع مش من حقه يحرم الأشخاص ده من فرصة أكتشاف الحياة من جديد حتى وهم داخل أسوار السجن.
عندك حق انا شايفه ان موت صدام مش حيرجع حاجه لحد
و انا ضد فكره الاعدام
ربنا دايما رحيم بينا و احنا عمرنا مكنا رحما لا بغيرنا و لا بنفسنا
كتير فيه ناس بتتحول من النقيض للنقيض
انا من المؤيدين للرئيس العراقي الشرعي صدام حسين لذا فلو تحقق حكم الاعدام به فستتحول العراق الى شلالات من الدم يدفعها الفpostAMPM=0
انا من المؤيدين للرئيس العراقي الشرعي صدام حسين لذا فلو تحقق حكم الاعدام به فستتحول العراق الى شلالات من الدم يدفعها الفزاة والعملاء ولن نسكت عن حقنا في مقاومتهم حتى اخر عراقي شريف على هذه الارض .
اما الرئيس القائد صدام حسين فان قتل فهو باذن الله شهيد ... والسلام على اهل العراق الشرفاء .
اولا انا ضد فكره اعدام بنى ادم
بحس انها حاجه قاسيه اوى
لكن فى نفس الوقت عمرى ما كنت من محبين ولا مؤيدى صدام حسين
انا لحد دلوقتى مش متخيله كم التعذيب و الجرايم اللى قام بيها بنى ادم
بدايه من ازواج بناته
و احفاده اللى بقوا ايتام على ايد جدهم
لحد كل واحد عانى و داق اللى اكتر من الموت
صحيح حال العراقيين تحت دمويه صدام ممكن يكون احسن حالا من انهار الدم و الفوضى التامه تحت حكم الاحتلال الامريكى
بس ده لا يمنع ان صدام حسين لا قائد عظيم و لا ملاك
http://lemagdi.blogspot.com/2006/12/post-to-endstart-year.html
Post a Comment
<< Home