Saturday, October 28, 2006

توت توت..تعالوا تعالوا




ياولاد ياولاد ..توت توت
تعالوا تعالوا
علشان نسمع ابله فضيله
راح تحكيلنا حكايه جميله
و تسيلنا و تهنينا
و تذيع لينا كمان اسامينا
ابله..ابله فضييله
.............

رغم انى مش من محبى التليفزيون و اعتزلت فرجه على العاشره مسائا بعد المط رغم انى باحب منى الشاذلى
و قلت افتح يمكن الاقى حاجه على موضوع مالك
انا بجد مصدقتش نفسى
عارف لما ترجع تفرح و تعيط زى زمان
لانك قدام حاجه من ريحه زمان
و مش اى حاجه و مش اى حد
دى ابله فضيله
و صوت ابله فضيله اللى بياخدك بعيد
و يخليك من غير متحس حاسس بفرحه زى اللى فى صوتها
و متملكش غير انك تسكت و تسمع و تحلم





عندك حق يا احمد
الشمس بتطلع مع صوت ابله فضيله
صوتها يعتى بدايه يوم جديد
و كلنا بنحبها اوى
و مستحملناش دموع فرحتها امبارح
و هيا بتسمع كلامك
...........
من ضمن الحاجات الكتير اللى باحب بابا عليها اوى
و مش حانساها انه علمنى احب الراديو
و كان بيصحينا على حواديت ابله فضيله
و من ضمن الحاجات اللى اكتشفت انى احب ارجعلها
بجد فكره استضافه ابله فضيله حاجه فرحت ناس كتير
ناس تخطوا الاربعينات و الخمسينات و اتربوا على صوتها
و ناس زينا لحقناها
........
انا بقالى اكتر من اربع ساعات بادور على اى حاجه ليها و عنها على الشبكه الخرافيه
و تخيلوا......!!!!
كله اللى لقيته مقال و حدوته واحده لقيتها بالصدفه عند تواصل و فرحت اوى اوى بيها
انا شايفه ان عيب اوى لما متلاقيش غير دول
حتى فى صفحه الاذاعه و التليفزيون
و حتى كتاب الحواديت و الاغانى الجميله
نادر ابو الفتوح المؤلف و عطيات عبد الخلق صاحبه المقدمه اللى بنموت فيها
...............
الحاجه اللى بجد باتماناها زى ما كتير غيرى بيتمنوها
مش بس كتاب حواديت ابله فضيله
تسجيلات لكل حواديت ابله فضيله
شرايط سى دى ان شاالله سايت
انا شايفا ان ابله فضيله مش حابه تبقى بتبيع صوتها و تحس بده
بس هيه مش كده
دى هديه لاجيال موجوده و اجيال جايه
محتاجينها اوى فى الوقت اللى بتنتطمس فيه كل المعانى الجميله
و بتموت الحواديت
.............
مش بس ليلى بنت ريم حفيدتك اللى محتاجه الحواديت
كلنا محتاجينها حتى الكبار مننا
و حتى ولادنا اللى لسه مجوش
محتاجيين نعرفهم مين هيا ابله فضيله
و يعنى ايه قيم جميله
كان نفسى اوصلك ده
و للاسف مش عارفه اوصل لاى وسيله

5 Comments:

At 4:21 PM, Anonymous محمد said...

أول مرة ألاقي حد بيشاركني حب سماع أبله فضيلة فعلا لما بسمعها بفتكر أيام الطفولة
في فترة من الفترات كان معاد شغلي بعد الساعة عشرة فكنت بسمعها كل يوم
أمي لازم تشغل الراديو كل يوم الصبح لحد الظهر عشان كده أنا إتعودت علي سماع الراديو
يا ريت يبقي في تسجيلات للحكايات بتاعة أبله فضيلة إنتي عارفة بحس إن صوتها جزء من القصة من غيره تبقي القصة مش كاملة
أنا متفق معاكي إن إحنا محتاجين نسمع و نسمع ولدنا حكايات أبلة فضيلة

 
At 12:36 AM, Anonymous العمدة said...

السلام عليكم

أبلة فضيلة ..
الست دى جابت الصوت الأمومى الدافئ دا منين .. دى نعمة و رزق من الله

ما تفكرينيش بأيام زمااااان

 
At 8:50 PM, Anonymous Anonymous said...

بسم الله الرحمن الرحيم
هذه السدة الفاضلة / أبلة فضيلة لايسعني هنا إلا أن أقول إن كانت الأهرام من آثار مصر الخالدة فإنني أقول - والله لاأبالغ- أنها أعظم من هذه الأهرامات و بكل بساطة لأنها بنت لأبناء مصر وجدان وربتهم على الأخلاق التي هي اليوم من أندر العملات وإنني لأدعو الله أن يثيبها على هذا العمل الجليلز

 
At 6:53 AM, Blogger Dananeer said...

هذا العمل الجليلز!
(">)

 
At 12:52 PM, Anonymous مصطفى محمد said...

اخواني اسعني ان اجد من يهتم مثلي بتلك الحواديت للمحافظة عليها وسط تخاريف العنب و البلح و الخيار

وجدت موقع يحتوي على كمية لا بأس بها لحواديت ابله فضيله
http://noreldonia.com/vb/showthread.php?t=2549

كما يوجد به كثيرا من الاغاني القيمة الي اتربينا عليهامش الهلس بتاع اليومين دول

 

Post a Comment

<< Home