Tuesday, January 16, 2007

مش عارفه

Photobucket - Video and Image Hosting

ساكته و بافتح ميت صفحه بس مش باقرا و لا باشوف
ساعات باحس انى مش عايزه اكون لوحدى و فى نفس الوقت محبش اكون وسط ناس
يمكن عشان كده بحاوط نفسى بالكتب
يمكن عشان كده حتى و لو مقريتش
باحب احط كتاب جنبى
على سريرى
يمكن عشان كده باحب اكون موجوده هنا حتى و لو مش حارغى مع حد
مجرد الاحساس بان الدنيا ملك ايديك
تروح هنا فى اى حته و تجيب اى حاجه
و فيه ناس موجودين هايمين زيك باشارات خضرا و حمرا

مش عارفه
زى ما مش عارفه ليه بالاقى كلمات قدام الشاشه ديه
و بضربات عى الكيبورد
و مبلاقيهاش كتير بعيد عن هنا و عن الورقه و القلم

حسيت انى عايزه اقول الكلام ده
مش عارفه ليه
زى ما انا مش عارفه ليه بالذات دلوقتى عايزه اعيط

6 Comments:

At 2:06 AM, Anonymous Anonymous said...

نفس احساسك بالحرف حساه
و كمان عايزة اعيط

 
At 2:08 AM, Anonymous Anonymous said...

كان مر موقف عليا قبل كده .. أو أزمة بمعنى أصح

كنت عايز أحضن كل الناس اللي تقابلني وأعيط ليهم

الدموع بتغسل الأرواح والآثام ..

دلوقتي بقيت العكس
من كتر الضغوطات ما بقتش حتى بعرف أبكي وآخد حريتي زي الأول .. بقى الصمت
والصمت أقوى من الدموع لأن روحك بتبقى ساكنة خالص مش قادرة حتى تعيط ولا تصرخ !

كنت كاتب زمان جملة بتقول

أنا لا أسقط ليس لأنني قوي .. ولكن لأنني فقدت حتى القدرة على السقوط !


إحساساتك صادقة ومدونتك شكلها جميل

 
At 2:38 AM, Anonymous Anonymous said...

وانا كمان عايزة اعيط
واقول كلام كتييييييير

 
At 9:55 AM, Anonymous Anonymous said...

أيه الحكايه ، كل المدونين صيباهم الحاله دى اليومين دول ليه

 
At 12:57 AM, Blogger Dananeer said...

اولا
اسفه جدا على التاخير
مكنتش لاقيه كلام

شيماء اتمنى تكونى كويسه
و اسفه لو كنت زودت المود الحزين

حامد كلامك اللى اثر فيا بجد

نضال
اتمنى تكونى بخير


محمد
مش عارفه
يمكن شتا بقى

احتجت شويه انكماش فى السرير تحت البطانيه مع مخدتى
اعيطلها و انام
نوعا ما صحيت حاسه بهدوء

 
At 4:10 PM, Blogger حزينه said...

الاحساس دة بيجى كتر للناس اللى لوحدهم
اللى انتىبتعمليه صح
بتحاول تملى وحدتك بحاجه مفيدة
وانا كان كتير ما بحس بكدة

 

Post a Comment

<< Home