عند البحر بس.. بتلاقيك
مفيش زى اسكندريه
و زى البحر
فرحان تروح للبحر تكلمه
يزقطط معاك بامواجه المخبيه حصنه
تعبان تروح للبحر تشكيله و يسمع بكاك
و يصرخ معاك انت جواك و هوه بموجه
محتار تقوله ايه اللى محيرك
يمكن لو بتسمع كويس تلاقى رد
مفيش زيه فاتحلك حضنه طول الوقت
ترمى فيه سر
سؤال
خوف
الم
ندا
رسايل
و حاجااات كتير
ملهاش مكان غير فى قلب البحر
فى البحر مكن تودع حبيب
او تستقبل حبيب
فى البحر ممكن تودع حاجات كتير
مع شمس نازله
و اخر لمسه دفا
فى البحر بس الغروب و الشروق
و اشعه الشمس
ليهم طعم تانى
اكنك بتشحن لمعه عيونك و روحك ببحر وهوا و شمس
على شطه الذكريات ليها طعم مختلف
زى كل مره بتكون عنده بأحساس مختلف
و بتشوفه و تشوف شمس و سما فيه بشكل تانى
صور كتير مع ذكريات جواك
بتطلع بس عند البحر
و ناس كتير بتجمعك بيهم ذكريات و لعب عند بحر
و ناس كتير فارقوك
و بيبعدك عنهم سفر و بلاد و بحر
فى البحر بس بتلاقى روحك و نفسك بجد
من غير قيود ولا حتى اى رتوش
Labels: غسيل للروح
posted by Dananeer @ 10:59 PM
12 comments
12 Comments:
البحر.. نوع من العشق للذات لا يفهمه كل الناس . . فقط من وصل لقمة الألم ثم الحنين ثم التعايش مع الذكريات.. محبتي وليكي عندي تاج فوتي خديه يا قمر
ياااه بجد كلامك واقعي وخيالي بطريقة تجنن البحر عامل زي الكمنجة بتعزف على وتر الروح بتحرك المشاعر والأحاسيس اللي ممكن تكون اتدفنت ..
البحر كل الناس اتكلمت عنه .. وكل الناس كلامها صح ..
تحياتي بوست فوق السحاب وعلى البحر :)
i was about to publish this photo as it attracted me so much ...what silly dananeer ...but that 's ok u were the first this time("<)!!
البحر هو البقيه الباقيه من الصفاء الوجداني لكل واحجد فينا
وبنحن له كل ما نحتاج جرعه من الهدوء
بوست جميل جدا
لأن البحر يصنع الكثير في صمته، فقط نجلس أمامه نحاول تقليد هذا الصمت
أحيانا و أنا قاعد قدام البحر لما بكون في إسكندرية بحس إن البحر ليه مشاعر بيزعل و يفرح و يحزن زي البشر
ده غير إني بسمع أصوات جاية من البحر يعني يمكن الأصوات اللي حوالين البحر كلها بتدوب فيه و بتتنقل كل الفوارق بتموت قدام البحر حتى المسافة
البحر مش شط ومية وناس رايحة وناس جاية
البحر ده دنيا تانية
بيمر عليا الوقت مبحسش بيه وانا قاعدة سرحانة باتابع الموجة ورا الموجة
باحس الموجة باكلمها وتكلمني
او يمر عليا الوقت وانا باراقب الغروب واستني الشمس وهيه بتغطس جوه المية وتغيب عننا
بالنسبة لي البحر اللي بالاقي فيه نفسي هو بحر الشتا الصامت الساكن من غير زحام ولا دوشة ..بحن ليه وقت ما ييجي الصيف باحس البحر مخنوق تحت زحام الناس
جميل البوست يا عصفورة
مرحبًا : )
عذبٌ ما قرأت ، سأتابع فلكل منا البحر يختلف لكننا نحب أن نلتقي
فيض تحية
ليس البحر مية وموجة رايحة وموجة جاية
إنما البحر دموعنا وحكاوينا واهاتنا وافراحنا ومشاكلنا وقصصنا التافهة والمهمة ايضا
كل ذلك يتقبله بصدر رحب وقلب مستع لنا كلنا
مع تحياتي وحبر لبحر اسكندرية
تسنيم
و الله قريت التاج قبل ما تفوتى بس
كل ما قول حاجاوب الاقينى مش عايزه اكتب
محمد
البحر بيعمل اكتر من كده
الست دودو
كمان مش كفايه مجتيش معانا
عايزه تسرقى صورى
يا ستى حطى اللى انت عايزاه
شوفى حتدفعى كام
محمد
البحر رجع واحشنى تانى اوى
متغيره
حلوه اوى
بس خلى بالك انك ساعات بيكون هادر صاخب
و بنحبه
مش عارفه يمكن عشان بيصرخ بدالنا
ولا عشان مستنين اجابات
مفيش اعلى منها
مصرى
البحر بالنسبه ليا كده
صاحب قديم
فرحان هادى حزين مزقطط غضبان
و بتتنقل كل الفوارق بتموت قدام البحر حتى المسافة
حلوه
واحده من الاخوان
انا باعشق اسكندريه
و بتكون حلوه اوى فى الشتا
جهاد
احكيلنا على بحرك
حائر
يااه الله عليك
بالظبط
البحر مبيشتكيش
كل دى حواديت حلوه او مكسوره بيسمعها و مبيشتكيش
تعليقاتكم فرحتنى بج
بس مكنتش عارفه ارد
احنا بنحب بحر واحد جمعنا
أنا أصلا حوت :)
لا بجد.. أنا بأعشق البحر جدا.. وبأنسى نفسي خالص لما بأبقى قدامه
في البحر بس فعلا بألاقي نفسي..
مصاعيبووووو
مش محتاجه اقولك ان ليك وحشه
يارب تكون بخير
Post a Comment
<< Home