بكره جاى بإيه
جوه خاف و مرحتش!!
ما بين احساس بالعجز و الخوف فى نفس الوقت
مقدرتش اروح لوحدى
و مفيش حد مهتم اصلا فى عيلتنا الموقره
منولتش غير التريقه
عشان عايزه حد يروح معايا
زى محمود باخاف من العساكر جدا و باكرهم
باكره منظرهم و هما مالين الشوارع امبارح
و مستخبين بترقب جو عمارات وسط البلد ساعه فض اعتصام امبارح
غربان فى كل مكان ماليه الشوارع
ما بين بلطجيه منتشرين
و مخبرين
و عساكر و ناس برتبه لواء
و احساس انك متراقب و محاصر و مخنوق
بيضيقوا عليك مساحه النور
اول مره احاول اقرب و اشوف اللى بيحصل
حتى لو مشاركتش
و أول مره أحس بالرعب
و اكتشف خوفى و رعبى الشديد من العساكر
العساكر مابين غلبانين و مغلوبين على امرهم
و فرحانين بشكل عجيب
ببهدله الناس و البنات
و حتى التحرش بيهم و معاكستهم و تعريتهم بعنيهم
مش مهم بقى كبير صغير
ماشين لوحدهم او معاهم ناس
حرمان و تلذذ غريب بلحظه سلطه
الكبار بكروش منفوخه و نظرات ناريه و عيون مهدده
ولا كأننا تحت حصار و حظر تجول اسرائيلى
للدرجه دى بيضيق البلد بينا
posted by Dananeer @ 9:14 PM
3 comments
3 Comments:
إحنا اللي سمحنا للكلب إنه يتسعر.. ودلوقتي جايين نعترض.. إحنا شعب عايز كده يا دنانير.. و كل الناس دي كانت راحت علشان تقول رأيها مكانوش لقيوا حاجة يزوروها بس احنا طنشنا ما بين التشدق بالمقاطعة وما بين يعني هيا جت عليا ما النتيجة معروفة.
حسبي الله ونعم الوكيل
:( i am very sad and for the first time in my life I feel we are going to a dark age.
تسنيم
انا مش عارفه اقولك ايه
احنا محتاجين قلم
رجه و هزه جامده
بس فيه تمن حيدفع عشان القلم ده و عشان نفوق
hetsh
انا حسيت بالتشويش
مش عارفه انا مكسوفه من نفسى و لا الحل كان ايه
Post a Comment
<< Home