Thursday, March 29, 2007

باب

Photo Sharing and Video Hosting at Photobucket

كل السكه دى لوحدى؟


دى السكه اللى ضرورى تمشيها لوحدك يا ليلى


طيب افرض ان البحر هايج و الموج عالى


عشان نوصل للبر ، ضرورى نواجه الموج و البحر


و على البر ألاقى ايه؟ ألاقى ايه يا حسين؟

...........................................................
...........................................................


عارفه يا ليلى حاتلاقى على البر ايه؟

.....

حاتلاقى حاجه أهم منى ، و أهم من أى انسان تانى . عارفه ايه هى يا ليلى؟

.....

حاتلاقى الحاجه اللى ضاعت منك ، حاتلاقى نفسك ،حاتلاقى ليلى الحقيقيه

..
آآآ

Labels:

9 Comments:

At 7:15 AM, Blogger ياء said...

الحوار شكله حلو

بس انا بصراحه مبحبش فاتن حمامه

ومبحبش الافلام العربي

 
At 7:57 PM, Blogger محمد عبد الغفار said...

هى دى معاده ولاانا متهيألى

افتكر كان فى حمله بأسم كلنا ليلى من فتره ونفس المنظر والكلام كان منشور فى كل المدونات

مجرد استفسار

 
At 8:03 PM, Blogger Dananeer said...

الباب المقتوح من الرويات القريبه اوى ليا
و من الروايات المهمه بجد فى تاريخ مصر
لانها مش بس بتوصف حال ليلى
دى بتوصف مصر معاها
و العدوان و الاستنزاف
و احاسيس كتير
صادقه لان الكاتبه عاشتها

كلنا ليلى
و ليلى مصر
محتاجه تقوم و تعدى

ياء
انا باحب فاتن حمامه جدا
بس مليش اوى فى الافلام العربى

محمد
لا انا محطيتوش قبل كدا
كلنا ليلى كانت حمله بجد حلوه اوى اوى

دى سطور من الروايه
انا اكترت اجزاء معينه

بصراحه الروايه فيها حاجات كتير اوى

 
At 9:09 PM, Anonymous Anonymous said...

هذا الفيلم.. أحبه

 
At 10:59 PM, Blogger شيمـــــاء said...

حلوة اوى نهاية الحوار ده
دايما بتعرفنى تنقى الكلام كويس

 
At 3:11 PM, Blogger metcy said...

عارفه يا ليلى حاتلاقى على البر ايه؟

ايوة ياحسين فردة الشراب اللى ضاعت منى اول امبارح

هيا قناة الناس شطبت ولا ايه

 
At 11:07 PM, Blogger مـحـمـد مـفـيـد said...

الروايه اجمل بكتيييييير من الفيلم
وان بحب اقرأ الرويات ومش بحب الافلام
بس حوار رائع

 
At 7:04 PM, Blogger Heba Abdel Aleem said...

دنانير

أشكرك كثيرا على هذا المقطع من الرواية

بالفعل هذه الرواية و الفيلم المأخوذ عنها من أفضل ما قرأـ و شاهدت فى حياتى

بل إنى أجرؤ على أن أقول أن هذه الرواية و هذا الفيلم ساهما فى تربيتى و تكوين شخصيتى

شكرا يا دنانير

 
At 9:23 PM, Blogger Dananeer said...

علا
انا بصراحه بحب الروايه اكتر من الفيلم
يمكن عشان الزخم اللى فيها
مشاعر مكثفه تعيشك معاهم

شيماء
ربنا يخليكى يا فندم
لطيفه الزيات من الناس اللى كنت باتمنى اقابلهم
بس
حسيت بشجن من حزنها فى مذاكرته

الروايه دى من اول مره قريتها لحد دلوقتى بتدينى
احساس بالامل و طاقه
بتحسسنى انى ممكن اعمل اى حاجه
و ممكن اى حد يقوم

ميتسى
ايه ده
يا حته نكته انتى
مكتكتبيش فى بلوجك ليه
ورينا المواهب

محمد
زيك باعشق الروايه اكتر
مش بس الحوار بين حسين و ليلى و اللى جواها
بورسعيد
الابرياء اللى ماتوا
الاطفال اللى اتضربت و فاجعه اهلهم
العروسه اللى ماتت
الطفله اللى غرقت
العروسه اللى عامت على الميه بعد موت الجميع
الطين اللى مش سامح للمياه تندفع و ازاى التيار حيتغلب على التقالبد و القيود
و تندفع ميه حره

المواجهه مع الاعداء

حاجات كتير اوى

الباب المفتوح بجد روايه لاجيال جايه عن مرحله فاتت

ريم
ليلى اثرت فى ناس كتير
خصوصا لما حسينا كلنا
ان كلنا ليلى
كلنا جزء من روحها
من خوفها من المها من انكسارها
من غضبها لحظات على تقاليد مجتمع بايخ
من خضوعها و خوفها لحظات

معرفش
انا باحس انى عارفه ليلى اوى و حاسه بيها
و ان اى حد بيحب الروايه دى بشكل او التانى
فيه جزء منى يعرفه
و قريب منه
:)

 

Post a Comment

<< Home