Tuesday, November 07, 2006

كانت بتشْتِى و مشفتهاش


كانت بتشتى من كام يوم
و ما شفتهاش
عجبتنى اوى كلمه بتشتى
اول مره سمعتها كانت بتشتى فى اسكندريه و فى الصيف!
بتوصف البرد و المطر و الجو معرفش ازاى بدفا
و رغم انى مبستحملش البرد و لا اعرف اعمل حاجه فيه
و باكتئب لو الجو مغيب و مفيش شمس او مترب و اصفر
بس باموت زى اى نونو فى المطره و هى بتغسل كل شىء
و السما بتعيط علينا و على كل احزان الارض

6 Comments:

At 10:37 AM, Anonymous Abdou Basha said...

مش بحس ان السما بتعيط ممكن بتحاول تطهرنا وتفوقنا وتقلقنا برعدها وبرقها .
:)

 
At 10:39 AM, Blogger Dananeer said...

عندك حق يا عبد الرحمن فى كونها بتطهرنا و تغسلنا
قدام المطر بتحول لاطفال بعيون بتلمع و ابتسامه فرحانه

 
At 12:56 PM, Blogger film69 said...

فكرتيني بكلمة بتشتي
فعلا كلمة إسكندراني لا يستخدمها أهل القاهرة
وهناك أغنية قديمة سكندرية ، أحاول تذكر مطلعها
الدنيا بتشتي
وأروح لستي
تديني علقة
بعصاية خضرا
:))

 
At 3:02 PM, Blogger Nerro said...

بتشتي كلمة اسكندراني بتحسسني قوي بمعني المطرة. بحب في المطرة صوتها و ريحتها، و لون الشجر بعد ما بتخلص.

 
At 10:29 AM, Blogger Dananeer said...

عندك حق يا نيرو
و شكل الشوارع كمان و هى مغسوله

 
At 8:16 PM, Blogger تسـنيم said...

بس بتشتي مش حكر على الاسكندرنية لأ احنا هنا كمان في بورسعيد بنقو بتشتي حتى لو في عز الصيف هيا تقريبا كلمة سواحلية يعرفوها اللي اتربوا وسط البحر والمطرة..
مدوناتك رائعة يا دنانير..

 

Post a Comment

<< Home