Sunday, December 24, 2006

شتاء

Photobucket - Video and Image Hosting

شتاء*

لم أكن أبكي
لكنَّ الأصحابَ
كانوا يختفون َ في عينيّ
كأضواءِ السيّاراتِ
.
تحتَ المطر

.................

فجأه ضاق بنا حضن هذا الوطن

ليحمل الكل رحاله ضاربا فى بلد اخر و ارض اخرى!

.....................

مقدرتش مزعلش و انا شايفه الوشوش اللى بحبها بتختفى كل يوم

و اصحابى بيتشتتوا فى بقاع الارض

على قد ما كنت فرحانه انها نقله ليهم

و حاجه ملحه عشان يقدروا يكونوا نفسهم فى الزمن الجميل بتاعنا

و يكونوا مع الناس اللى بيحبوهم

على قد ما بازعل

و بتضايقنى فكره عدم وجودهم

صحيح كده كده العجله بتلف و الاصحاب بيتفرقوا

و عشره كل يوم

مع التزامات و مشاغل الحياه

وحاجات كتير

بس كفايه تلاقى تليفون من حد منهم

كفايه تسمع خبر حلو من حد

كفايه تشوف فرحه فى عنين اى واحد منهم

كفايه مقابله كل مليون سنه

تحسسك و ترجعلك حاجات كتير

...............

كريم انت اللى الدور عليك المره دى

حافتقدك جدا يا كمبر

حاكلم مين لما ابقى متغاظه دلوقتى

و مكتئبه؟

مين حيرفع معناوياتى

و يقولى اخبار العيال؟

مين حيستحمل تهيسى و رغيى

عموما الامارات مش اخر الدنيا و كده كده فيه اجازات

مش كده

و كمان حتجيبلى العربيه الهديه

بما انى دعيتلك اد كده

و بما انك حتبقى غنى

و فى الصحرا على طول و مش فاضى تتفسح

عشان كده تجيبلى انا و مرمرينا العربيه

و اللذى منه و حنتفسحلك

.............................



بجد انا عارفه انك اكتر واحد زعلان و خايف

و حتفتقد كل حاجه

و مش سهل بس لازم عشان مستقبلك و حياتك

و بحب فيك حبك لشغلك و طموحك

عشان كده انا فرحانالك كمان

.....................

*شتاء "سوزان علوان


4 Comments:

At 6:53 PM, Blogger تسـنيم said...

معلش يا دنانير هيا الدنيا كده وحكمة الله في خلقه أن يفترق الأحباب ، مش عارفة ليه بقيت بردد الكلمة دي كتير يمكن علشان لما رجعت من الكلية فقدت أعز أصحابي بالتدريج وبقيت أتأقلم على كده بس في ناس مبنقدرش نتأقلم لما بنفقدهم..

الإمارات مش بعيدة والمكالمة بتبقى أرخص بعد الساعة 12 وقبل 8 الصبح ومصلحة إن فرق التوقيت ساعتين ما بينا وبينهم..

اجمدي يا دنانير

 
At 12:35 AM, Anonymous Anonymous said...

بصى ليا صديق سافر برضه من 15 يوم
حد من القريبين اوى
اتوجعت انا و كلنا اوى انه سافر
بس عارفة احنا بينا حاجة حلوة اوى

كلنا بنتكلم كل يوم من غير ما نسمع بعض ولا نشوف بعض
بالايميلات
نفس الضحك و الهزار و خفة الدم والاخبار

انا ليا 4 اصدقاء بقالى 4 سنيين مشفتهمش ولا كلمتهم من سنة على الاقل
بس كل اخبارنا عند بعضينا بالايميل

معاكى ان البنى ادم يبقى موجود دى نعمة كبيرة اوى
بس بجد
فيه حاجات كتير بتقصر المسافات
اوعى تستسلمى للاحساس ده

وبهنيكى على احساسك العالى بالناس كلها

 
At 12:36 AM, Anonymous Anonymous said...

نسيت اقولك ربنا يخليكم لبعض يا رب

 
At 4:24 AM, Blogger Dananeer said...

تنسيم و شيماء مش عارفه اقولك ايه
انا متشكره اوى على احساسكم و كلامكم

حاجه وحشه اوى لما تلاقى واحد ورا التانى بيسافروا

او يتجوزوا و عشان شغل اجوازهم يتغربوا

بالنسبله اصحابى يعنى حاجات كتير اوى

انا و مرمرينا بجد حنفتقده

 

Post a Comment

<< Home