محاصرٌ أنت حصار البحر للجزيرة

أنهم يبدأون ثوارا على كل ظلم ، ثم ينصرفون إلى الاهتمام بمصالحهم الخاصه."

" فكرت أن القصه دائمه التكرار :

الاستنجاد بأجنبى للتخلص من أجنبى آخر ثم بأجنبى ثالث للتخلص من الأخير و هكذا دواليك."

ورده (صنع الله أبرهيم)

.......................

غريبه اوى انى بقالى فتره باقرا فيها و جو أحداث الثورات

و كل كام يوم لما كان بيهز العالم حدث

ثوريين فى مصر اليمن الاردن السودان و بره

جيفارا كاسترو

ضرب فيتنام و دفاع الفيتاميين

رجعت لكل دول

و انا قدام التلفزيون باشوف النشره

و سيطرت عليا لحظه مقارنه بين زمان و دلوقتى

لو بصيت فى شريط الاخبار

حتلاقى عنف فى كل مكان

و كل يوم كم كوارث بشريه معتبره

مع فارق بسيط

كان فيه زمان غايه بجد و هدف

باقاتل و اناضل عشان اطرد محتل

اتخلص من استبداد

اغرس لشعب كامل

دلوقتى انهار الدم بقت شلالات مالهاش اى معنى و لا غايه و لا هدف

شويه ارقام لقتلى كل يوم فى العراق

شويه متخلفيين نازلين تقتيل و عاطل على باطل بقى

حماس و فتح

و صراع مالوش اى لازمه

اوحش من ضرب الاسرائليين ليهم

لبنان شرحه

و تابع الاخبار عن وصول افواج لقوات جديده

و أرجع على صوت مذيعه الجزيره

و هى بتتسائل

هل الحل فى التقسيم؟

خلى بالك بتتكلم عن ايه

عن تقسيم بين فلسطينيين و فلسطينيين برضه

بس كل واحد و ملته بقى!

بذمتكم مش بقينا ماسخين

.................

*العنوان من شعر محمد سيد حسن