Wednesday, November 08, 2006

يحكى أنَ ... جيل ورا جيل..سرقوا فلسطين إسرائيل

يحكى أنَ ... أنَ إيه
سرقوا بلادنا ولاد الإيه
يحكى أنَ ... كان ياما كان
سرقوا بلادنا الأمريكان
يحكى أنَ ... جيل ورا جيل
سرقوا فلسطين إسرائيل
يحكى أنَ ... يا أحفاد
امريكا دخلت بغداد
يحكى أنَِ ... يا حلاوه
أمريكا بتضرب بغباوه
يحكى أن ... مساء الخير
بوش راح يوصل و يَا بلير
راح يدخلوا بغداد العصر
و المغرب راح يدخلوا مصر
يحكى أنَ ... انعقدت قمَه
ما بتعرفش تقول و لا كلمه
يحكى أنَ ... الظلم استشرى
و الدم مطرطش فى النشره
يحكى أنَ ... ان احنا سكتنا
و اتنيلنا كده بخيبيتنا
و كأننا ما كأنَاش كنَا
و الذل بيوصل لعينينا
و الله رحمه ان احنا بكينا
و الله رحمه ان احنا نعسنا
و الضلمه غطت فوانيسنا
بس خساره ما حلمناش
يحكى أنَ ... و ما يحكاش


"فى الموت حنعيش"..أمين حداد

7 Comments:

At 12:07 PM, Blogger film69 said...

حنرددها جيل ولا جيل
بنعاديكي يا إسرائيل

 
At 8:50 PM, Anonymous العمـــده said...

السلام عليكم

بسيطة جداً و معبرة و معانيها تصل للذهب بيسر و سلاسة و إرتباطها بتيمات قديمه مثل تيمة كان يا ما كان كان له أثر كبير فى تفعيل القصيدة

 
At 12:19 AM, Blogger مصريون بلا حدود said...

نفسنا في زعيم يوحد كلمتنا وحلمنا يكون حلمه ، حلم واحد ن وكلمة واحده وصف واحد ، نفسنا مرة نحلم ومرة واحده يتحقق حلمنا، يمكن منقدرش نحققه بس اكيد هنعلمه لاولادنا وللاجيال اللي من بعدنا

 
At 11:08 PM, Blogger amazing_angel said...

This comment has been removed by a blog administrator.

 
At 11:12 PM, Blogger amazing_angel said...

MINISTRY OF EDUCATION SHOULD PUT IT IN THE POEMS THAT THEY TEACH IN THE STAGE OF PRIMARY,,INSTEAD OF SILLY THINGS THAT THEY TEACH 2 US,,7'LEHOM Y2OLOLNA 7AGA BGD F 7YTHOM ....
REALLY AMAZING!!

 
At 6:21 AM, Blogger Dananeer said...

هند عندى ياجدعااان
اخيرا ظهرتى
اوعدك لما امسك الوزاره حاخليهم!
يا سيتى انتى اقرىىىىىىى
و سيبك من ثانويه عامه و الكلام الفارغ ده
الاهم من انه حلو ان فيه ناس يوميا بتموت و احنا خارج نطاق الخدمه

 
At 11:42 PM, Blogger LeMag said...

http://www.youtube.com/watch?v=RoxTVZb7UE8

 

Post a Comment

<< Home