قبل أن يخطفه مني القمر

دى شويه بلوجات عجبتنى اصحابها كاتبين فى مواضيع مختلفه
و بعضها بتواريخ قديمه

اول حاجه كتباها تفاصيل و اعتقد انها بتحلل حاجات كتير حوالينا
و على ساحه المدونين على وجه الخصوص
وشفتها فى عشرينات

أن تكتشف أن حياتك شوية كيتشات

نورا يونس كانت كاتبه تدوينه بمناسمه عيد ميلادها أكتر من حلوه
29
غرقت في صمت حين سألني أخي الأصغر - ماذا تريدين في عيد ميلادك؟
ماذا أريد حقا.. تحوصلت لعدة ساعات..
أريد أن أعود إلى البوسيت ذات الخطوط الخضراء والبيضاء العريضة حين تتهادى أمي في دفعها بيسراها
بينما تطعمني بيمناها الأرز باللبن قبل أن يخطفه مني القمر كما كانت تقول..
...... نتهادى معا بجوار أشجار الكافور أمام بيتنا في مدينة نصر


العمده كان كاتب تدوينه دمها خفيف حوالين مدمنين الانترنت
اللى زى حالاتى
أيتها الإنترنت .! تبت أسلاكك تباً

اكتر جزء عجبنى و مقدرتش امسك نفسى من الضحك الجمله دى

ولدي فلحوس فى الغرفه محبوس حسبته ملبوس و من الجان ممسوس
!! يقضى السااعات على الحاسوب و يكتب كاللهلوب

أحمد العزيزى كانت اول مره ازور مدونته
و لقيت حدوته حلوه

التحدى

فيلم برضه اول مره ازوره و لقيت حاجه عن السفر و الترحال
نصف حقيبة سفر



ميريت كنت عايزه اجيب ديوان بهاء جاهين
معرفش ليه نسيت لما رحت هناك
المهم دى مقتطف حطينه

حاول تنام في حضن موت حلمك
طفي عليك النور ولا يهمك
ح يموت كام ؟ مليون ؟ فدا دمك
أنت وعرايا أتعس الأحلام
يا سيدي المهزوم الديب عوى والبوم
لو كنت راجل قوم
لو كنت راجل .. نام

الارتفاع المسموح متر

شغف كانت كاتبه شويه تداعيات تستاهل تتقرى
توابع و تداعيات 4 نوفمبر

العربيه كانت كاتبه صحيح عن حاجتين لفتوا نظرى جنب الاخبار اليوميه
ظاهره البدون و ازمتهم
و للاسف انا معنديش معلومات
مجرد شفت فيلم تسجيلى عنهم فى الجزيره
و مش متخيله ان كم البشر دول من غير وطن
و اى اثبات للهويه
ياريت لو حد عنده معلومات يقولى

الحاجه التانيه زواج المسيار و السعوديات

انا كنت عارفه الاسم بس معرفش المعنى

و معرفش انه مسموح بيه فى السعوديه

بس مش هو ده اللى لفت نظرى

اللى لفت نظرى ان السعوديات بقوا بيتكلموا عن مشاكلهم

و معاناتهم و بقى فيه جهات متخصصه بتحاول تساعد و تحل و تعمل حملات

العربيه عرضت اكتر من حاجه

الفتره اللى فاتت

بس انا خلصت نشره أخبارى

من غير سيداتى انساتى

و لا أخبار أهرام جمهوريه