يا أسكندريللا كمان و كمان

خلى القمر طالع كمان و كمان

خلى النجوم والعه فى كل مكان

مهما تلَيل إوعى تتاوبى

ده انا قلبى لسه بالغنا مليان

الفضفضه وسط الفضا راحة

و الوشوشه فى الودن بالراحة

كلمه "باحبك" طالعه بصراحة

آه من حلاوه طعمها يا لسان

فى المغربيه التمشية غيَة

على شط بحر نسايمه حنَية

قلبى اترعش من بنت خمريه

من كتر نارى و نشوتى بردان

آه من عينيكى المجرمه وصوتك

و الابتسامه الباينه فى سكوتك

باقى الكلام عمره ما ح يفوتك

ده كلام فى قلب الجن و الإنسان

..............

كمان و كمان-أحمد حداد

و ديوان رجعت اجرى عليه بعد حفله اسكندريللا

اللى طيرتنا فووق

كالعاده

الاغنيه كانت حاجه كده

مش ممكن

خصوصا مع همس ساميه و آيه

و صوتهم اللى بيهدهدك

و ياخدك فى حضنه

و على فكره

الديوان رائع يا أحمد

انا انبهرت

ابن قبيله وز بقى

:)