مش حتحكيلى الحدوته؟
عايزه فل و عايزه حمص شام من الشارع
و نفسى اشم ريحه دره مشوى و الدنيا بتمطر
و عايزه اشم ريحه اسكندريه
و حاجات كتير
بس اكتر من اى حاجه عايزه حدوته
مش حترجع تحكيلى حواديت؟؟
Labels: أفتقاد
posted by Dananeer @ 10:11 AM
22 comments
22 Comments:
I will tell you stories about a small little girl who want to go to alexandria and enjoy the beautifull weather and the marvelous sea.
هتيجي اجتماع / لقاء المدونين ، ولا إيه ؟؟؟؟؟؟؟؟؟؟؟؟؟؟؟؟؟؟؟؟؟؟
أيوة ، الجمعة 9/3
كافيتريا مركز الإبداع ف الأوبرا
الساعة 6
التفاصيل عند ياسمين سكايلايت
well..
law 3aqza 7addooa roo7i 3and ri7ab:)
:D
الإحساس بالوحدة إحساس صعب
والحواديت عالم فانتازي بنلاقي فيه أحلامنا
عارفة مين أحلى واحد يحكيلك حدوتة
انتي
عارفة ليه؟
لأنك الوحيدة اللي عارفة أحلامك وآمالك، فلما تكون الحدوتة من تأليفك هتحطي فيها كل أحلامك وبكدة تلاقي فيها أكبر قدر من المتعة
بوست رائع
...................
أتمنى تزوريني
mesharef.blogspot.com
تعرفى
انا كمان نفسى فى ذره مشوى
وعيزه امشى فى المطره وان باكل الذره
تعرفى كان نفسى فى كده من اول الشتاء وكل مانوى الدنيا ماتمطرش
ويوم ماتمطر مالقيش ذره
مش عرفه ايه حكايه الحظ مع الواحد
كتير من امنينا البسيطه ديه بتسعدنا
بس يارب يحققلك امنيك
جميله اوي الاطروحات والخيارات الحلوه دي
بجد والله الواحدنفسه في حدوته من بتوع زمان دول
خطوه حانيه نحو الطفوله
hetsh
ربنا يخليك
دايما بترفع معنوياتى بجد
ابراهيم
اتمنى تكونوا اتبسطوا
انا كان عندى فرح
خالد
انا فعلا باعمل كده
بس ساعات بنفتقد طقوس معينه
و اشخاص كمان
الحاجات بتاعه الطفوله دى
عبود
كنت زمان باعرف احكى حواديت و الم عيال العيله
دلوقتى جالى افلاس حواديت م فاكره حاجه
محض روح
يارب نعملها احنا الاتنين
لسه فيه امل
محمد
ساعت بلاقينى بجد مفتقده ابله فضيله اوى
و اظبط الراديو عشان اسمع صوتها اللى بيضحك
يااه بجد
ده لو ما كانش دلع
يبقا
وحم
ولو مش وحم
يبقا
كلام كبييير
كبير
كبير
لا دلع و لا وحم
خلينا نقول انى مفتقده حد كان دايما بيحكيلى حواديت زمان
و انا صغيره
إفتقاد فعلا على أد ما الحاجات دي تبدو بسيطة لكانها من أثمن ما يفتقده الإنسان
تحياتي
Hello, Dananeer!
This work is vey nice, thank you
have nice wkend
يااااه يا دنانير
دي أكتر حاجة بنودعها مع طفولتنا
ان حد يحكيلنا حواديت .. و يعيش بالنيابة عننا
دلوقت احنا اللي بنعيش علشان نخرج كل يوم بحدوتة أو أكتر نحكيها لطفل صغير
......................
الحنين
داء لن نشفى منه
و المشكلة ان كل ما الواحد بيكبر قدرته على التذكر بتبقى أكثر رهافة
أنا كمان بحن لأماكن و روايح و بشر
لكن بهرب منه لقدام
اللي لسه ماجاش
..............................
بوست جميل على بساطته في الحكي
و مليان معنى
احساسها عالي اوي
و وجعتني اوي
فكرتينى بريحة الشتا
Hi danaeer
the post is very thoughtful ..
ana kaman nefsi fe 7agat ktera awi terga3 .. 7agat ktera awi maba2etsh mawgoda aw etshawehet
pleeased to meet u
مش هاتصدقى لو قلتلك ان فى دموع فلى عينى وانا باكتبلك التعليق
قالتلى مش هاترجع تحكيلى حواديت لما بطلت احكى ومشيت
لكن مكانش ينفع ارجع
بوسط بسيط
جميل
يااه يا مصرى بجد
مش حاقولك اد ايه الحاجات الصغيره البسيطه هيه اللى بتفضل ويانا
david
thanks 4 passing by
طارق
انت اللى كتابتك رقيقه
اميره
ربنا يخيكى
و بعدين انتى اللى احساسك عالى فى كتاباتك بجد
احمد
اول مره احس بحنين و الشتا بيخلص
ايهاب
شكرا على مورك و كلامك
و ياريت ترجع لنا الحاجات غاليه
مخلوف
انا اسفه اوى انى وجعتك
بيبقى صعب اوى
عليكم انتم الاتنين
7asesteeni be7agaat keteer awi wa7shaani ..!!
elgameel ennena raghm kol da momken nelmes elmaadi bezekrayatna .. !!
ساعات بتكوم مشكله
لو الاششخاص نفسهم هنا و حواديت الماضى مش موجوده
حكاية الحواديت دي بتفكرني لما كانت بتطلب مني أحكيلها حدوتة
وأخوكم ما بيعرفش يحكي حواديت خالص
كنت أقعد أألف أي حاجة ارتجالية
كانت أحيانا بتبقى جميلة والله
مافيش حواديث تاني لأن الحدوتة نفسها انتهت !
اجمل حواديت اللى بتفضل جوانا
و بنفضل نحب نسمعها من حد بعينه
و نفتكرهم و ازاى علموا فينا بحدوته
Post a Comment
<< Home