Saturday, April 28, 2007

أنا و أنتَ




حركه سريعه جداً

خشبه المسرح عباره عن مستويين ،
يظهر فى المستوى الأسفل-مقدمه المسرح-رجل يمارس الرياضه ،
وتسلط عليه إضاءة بحيث لا يظهر على المسرح سواه ،
و فضاء المسرح عباره عن ظلام ،
ثم يظهر على المستوى الأعلى رجل يقف ساكنا لا حراك به ،
و تظهر على ملامحه علامات الضيق


الرياضى : امتى هاخلص لعب بقى ، أنا تعبت .

( صمت)

الساكن : امتى هأبدأ لعب بقى ، أنا زهقت.

( صمت)

الرياضى : عايز استريح من اللعب .

الساكن : عايز أجرى من مكانى .

الرياضى : الدوره الدموية عايزة تلف تانى فى جسمى .

الساكن : الدوره الدموية عايزة تلف مره واحده بس فى جسمى .

الرياضى : أعصابى حتنهار خلاص .

الساكن : أعصابى نامت خلاص .

( صمت)

الرياضى : (يجلس لا يتحرك و لا يتحدث )

الساكن : (يبدأ جريا فى مكانه و لا يتحدث و تظهر على ملامحه علامات السعاده


صمت طويل


الرياضى : ( تظهر على ملامحه علامات الضيق

الساكن : ( يقف ساكنا لا حراك به و تظهر على ملامحه علامات الضيق )


موسيقى هادئه ثم حالة صمت طويل

إضلام مفاجىء .
.....................

جزمه واحده مليئه بالاحداث-باسم شرف

و لو انى مبحبش اقرا المسرحيات و الأعمال المسرحيه
احب اشوف
بس تناتيف باسم اللى فى الجزمه عجبونى
فيهم حته فلسفه و سخريه
و حزن
و يخلوك تتخيل المنظر

الاتنين اللى فى الحدوته
انا و انت ممكن نكونهم
او حتى أنا و أنا
و أنت و أنت
مش كده؟؟

6 Comments:

At 10:48 AM, Blogger Mohamed A. Ghaffar said...

الحقيقه تجهدنى قراة المسرحيات وافضل مشاهدتها مثلك

مبروك وانا وانت

 
At 5:42 PM, Blogger تسـنيم said...

هما فعلا أنا وأنا وأنتِ وأنتِ هما الإنسان ونفسه وصراعه من أجل فعل الشئ

 
At 7:48 PM, Blogger shaimaa said...

انا مقرتش مسرحيات قبل كده غير مرة بصيت فى مسرحية لتوفيق الحكيمن بس مقرتهاش كلها

مسرحية باسم تعتبر السهل المتتنع
جملة عادية صغيرة ترن فى ودانك لغاية ما تعملك صداع من كتر الت فكير

و النص اللى انت اخت رتيه من النصوص المتميزة جدا
فى المجموعة

 
At 12:30 AM, Blogger rana 3amra said...

انا سعات بحس ان الشخصين دول موجودين جوايا فعلا وحاجات كتيرة بحس انى مش عارفة اخد قرار فيها لمجرد ان الشخصين اللى جوايا ملقوش حل يتفقوا عليه هما الاتنين ربنا يهديهم

 
At 3:47 PM, Blogger tamer afify said...

اختيارك للنص رائع

والمجموعة كلها هايلة بتعبر عن كاتب مبدع وفنان

تحياتي

 
At 7:51 AM, Blogger باسم شرف said...

دنانير الحميلة
اشكرك علي استصافة النص في بيتك عصفورة في الساحة

كم انا سعيد بما كتب عنه
هذا يرسل لكي شكرا
ومدونتك جميلة

 

Post a Comment

<< Home