تتأكد ازاى؟؟ بالمفتاح السحرى
انا عامل زى اللى طاير فوووق فى السما
بس خايف جناحاتى تتقطع و أقع
عشان كده لما تقول بحبك لحد لازم تكون متأكد
الحب مش كلام و خروج و فسح
ولا ولد و بنوته و زوج و زوجه
الحب حاجات كتير اوى
الحب بيخليك تحب اللى حواليك
و تاخد بالك من احتياجاتهم
و تكون فرحان
و عشان فرحان بتكون عايز اللى حواليك يكونوا فرحانين زيك
و عشان كده بتكون بشوش
تتأكد ازاى
تحكيلوا حدوته المفتاح السحرى
اصل كل قلب و ليه مفتاح سحرى واحد بس هو اللى بيفتحه
هو اللى فيه السر
و هو اللى حيخليك سعيد و فاتح للدنيا درعاتك بابتسامه
و لما تكون سعيد حتقدر تسعد اللى حواليك
عشان حتكون عايزهم هما كمان يكونوا سعدا زيك
طول ما انت تعيس مش حتقدر تسعد نفسك و لا اللى حواليك
و لا حتى طول ما انت خايف
و المفتاح ده بس هو اللى حيخليك تستحمل قسوه الدنيا و متاعبها
حتقابلك مفاتيح كتير فى السكه
فيه مفاتيح مش حتفتح و فيه مفاتيح ممكن تفتح قلبك
من غير ما تكون سحريه
يمكن عشان كده ممكن نحب مره و اتنين بس منكملش
مش عشان محبناش
عشان مش عارفين نتعامل مع الحب ده و نحتويه
ساعات تانيه ممكن نكون بنوهم نفسنا او بيوهمنا غيرنا
و ساعات مبنفكرش غير بالعقل و المنطق
و ده عمره ما كان صح
و ساعات بنلعب زى العيال الصغيره
خلى بالك
المفاتيح دى حتفتح قلبك مره و اتنين و تلاته
بس مش طول العمر
حيجى يوم و تتقطم
و المفتاح اللى فى ايدك و ملك قلب تانى كده تمام
عشان كده لازم تخلى بالك كويس
لازم تتأكد انك معاك المفتاح السحرى
زى ما اللى قدامك معاه مفتاح سحرى لقلبك
فى نفس الوقت
ساعتها بس حتقدر تعيش
تملك الدنيا و تطير و تقدر تعيش
posted by Dananeer @ 11:02 PM
13 comments
13 Comments:
يااااااااااااه
ويا ترى لقيتي المفتاح شكلك لقيتيه يا دنانير
قبلاتي
بوست جميل و فعلا كل واحد معاه مفتاح بس يلاقى القلب المظبوط ليه بقى
و شكل المفتاح بتاعك لقى القلب و مفتاحه لقى قلبك
ربنا يسعدك
تحياتى
الله بجد
:)
جميل فعلا
انا كمان بحبك قوي
ووحشتينى قوي
وبتكتبينى بدون ما تقصدي
عاوزة نبقة صحبات
لازم سيرة المفاتيح دي يعني؟
ربنا يرزق كل واحد مفتاحه ,, ويحافظ له عليه ...
ويارب يرزقك بمفتاح يعيش طووووووووووووول العمر من غير ما يتقطم ولا ينكسر ...
نسيت أقولك ان احنا مش بنتأكد اذا كان المفتاح مناسب والا لأ غير بعد فوات الأوان والغرق حتى أذنينا في الحب
كلام سليم .. كلام مظبوط مقدرش اقول حاجة عنه
:)
كلام يجبر الواحد انه يسرح في الحب
:)
اولا معلش
بجد
على قد ما بيفرق معايا اوى الحاجات اللى بالاقى الناس بتقولها
و بتلمسنى
على قد ما اليومين دول مش بالاقى ردود و مش عارفه اعلق
بس انا بجد بقيت بحب الساحه اوى و اللى بيجوا يطيروا معايا
او حتى يسندونى
تنسيم
هو اللى لاقانى
بالنسبه لفوات الاوان
صدقينى فى لحظه كل حاجه بتتغير
و متعرفيش الخير فين
انا فرحت اوى ببوست السمكه و كلامك عن الدنيا
محمد ياسر
;)
محمد السيد
انا اسفه لو جيت على جرح
و آآمين
هوارى
دى وصفه سهله دى وصفه هايله
:)
عبدهباشا
:)
ايه السطلان اللى انا فيه ده
شيماء
انا كمان حسيت بكده و انا باسمع الحدوته
مصرى
فيه حاجات كده غصب عنا بتلمس القلب
سمسه
و انا كمان بجد بحبك من غير ما اشوفك
و اتمنى تكون صحاب
اول ما اعرف ان فيه لمه مدونين وعد ابعتلك و نتقابل
انتي كلامك ده صح اوي
وعشته اوي
و قربت
اطلع ع المفتاح السحري
hehe ;)
ايبى
حلو حلو
:)
Post a Comment
<< Home