تسقط شركات النت

اعزل من المنيل للهرم
و من لينك دوت زفت ل ت اي داتا
و يا قلبى لا تحزن

و رغم انها تعتبر من احسن الشركات نسبيا هنا
الا ان يا قلبى ل تحزن النت كان اسؤا من الخدمه بالتليفون
رغم انه مفيش غيرنا!!

و بعد الشكوى المتواصله و برضه مفيش فايده
قلنا نغير الخدمه
و حتى الان و لاكتر من شهرين استعطاف ل تى اى داتا ربنا يعمر بيتهم
مبعتولناش رقم الغاء الخدمه
و مقلولناش اصلا ساعتها على الموضوع

و اكتشفناه صدفه من الشركه الجديده اللى مش ف دماغهم اصلا
مين بيعمل ايه و حيركبولنا الخدمه امتى

احنا بقينا ف عصر تطليع عين المستهلك و لو مش عاجبه فيه غيره كتير
و يضرب دماغه ف اكبر حيطه!!

و ادينى من غير نت و باعانى مع التليفون
فتح الميل و البلوج بس بقى معجزه !!

ما علينا
محدش يكتر ف الكحك يا ولاد
و عيد كحك سعيد