سحره الحياه..!

كم تحب هؤلاء القادرين على قراءه الأسرار من ألواح الحياه العاديه
هم سحره بامتياز لأنهم يملكون تلك العين التى تجلو الأشياء فتلمع و يبرق ذهبها
و قد كانت منذ لحظات مجرد موجودات كالحه بارده بلا مغزى
كاتى و هى تحدث الزهور فى حديقه البيت
صوفى و هى تلتقط فى لوحه نظره طفل صغير أمام البحر
بهاء يتحدث عن كتاب
لو أحصت ما تعرف من سحره!!

ن - سحر الموجى

جواب متاخر

سانتا العزيز كان المفروض اكتبلك من 10 ايام بحالهم كلام كتير بس مكنش عندى وسيله اتصال و لما بقت متاحه حسيت انى مش عارفه اتكلم عارفه لما تحس انك مليان اوى لدرجه عدم الاتزان ف نفس الوقت مش قادر ترتب اللى جواك و لا تخرجه تمام زى ما ترج قزازه حاجه ساقعه و هيه مقفوله!! المهم انت واحشتنى اوى اوى مش عارفه اقولك قد ايه عندى ليك اخبار كتير و كالعاده طلب اوعى عشان السنه ابتدت تحرمنى منه

2007 كانت حنينه اوى عليا مش حاقدر انساها بجد و انسى حاجات كتير فيها
كان نفسى احكيلك كتير بس مش عارفه اتكلم

ينفع تسلفنى عربيتك شويه نطير بيها؟؟
عايزه أطلع فوق السحاب و أعمل بيت هناك .. معاه